Hoixgara 26 - Winnebego Bible Portions 1907

¹ Egi Agrippa Paulus wagena: Ne‐kikarashig ningigirena. Egi Paulus ara wajigshana egi kikarashigshana.

² Wogishawa harniguni hiarena, hung Agrippara, hamb de‐e joweraregi ne hakikarashigkjanege esge, washa jagushana Judra hirairajnagra hihekjanena.

³ Hiraijeraxjina Judra woshgara egi woiwax harninera harnaj horaijgusra hiaperesge esge. Esge ningitarna warnaiserej hiu harnaigixgune.

⁴ Hixununegi woshgara jasge hara Judra harnaj hiperes‐hirena, jegeja wankshig warnira horogeja hauna Jerusalem‐eja.

⁵ E jeghojikereja hinperes‐hirena, egi horag hiranana religion harniwira woinjabra rojaxji hiaura Pharisee wankshig‐haina.

⁶ Egi shegunegi woehi joweregi nashi hajegaja woinashira hawau Maura hianj‐hiwahiwira wamangirajra.

⁷ Wamangiraj de‐e wankshig howajehi kerepanaishanaga‐nuphashana harniwira jikjane hirairege, Maura harnaxgura hashakji hirena hambra egi hahera hirassa hiuinena. Woinashi de‐e hawau hung Agrippara Judra washinairaj‐hirena.

⁸ Jasgegaja washa de‐e inke harnaxgu phini hiranash’iwishe Maura d’era kikawa‐a wahi ruxurugra.

⁹ Nishge shesge hiarena, washara roha Jesus Nasaretheja herera rash harnira hagikira phiani hiarena.

¹⁰ Deshesge Jerusalem‐eja harna, egi wakanjangra roha jhi‐hornassena, homashja nabhoruxaj hirukana hungeja dusanaga egi jaja d’ewahirega wakhira hiat’eshununa.

¹¹ Egi dejanki hawewaharna, wohokhu‐hojhira harnaj, egi hiniwarnianaga raxjashguni waharna, egi wajexira rokana wagikhina, jhinag hijahirashge hipa waiaishanana.

¹² Hauanjanegi Damaskus‐eja wawatahau homashja harnianaga egi ushira nabhoruxaj hirukana hungeja hotusanaga.

¹³ Wirarojanjegaja, hungra nagueja hohamb hajharna wangregi howaji, hambwi hohambra hiraijera wauna, wauanjera hogigix hohambshana egi jarnaga hikiware hinkishu unagra.

¹⁴ Egi jaja harnaj mainja hukhana‐wigaja, hisha hunkit’e naxguna, egi Hebraia hit’e wena: Saulus, Saulus jagu‐u hinai‐shanarajeshe? Mas‐pahi naxjagra wojexi warakik’urajena.

¹⁵ Egi wahena: Hirukanara peshe nineshe? Egi wena: Jesus newinena E hiraishanarajena.

¹⁶ Eshi kikawa‐ange egi si hashinira hiranashine, deshesge hawau jantinigikhina, ware niunkjege egi wosharaikjege washa jagu hashjare hereanaga egi washa jagu jantiningigikjanera.

¹⁷ Egi wankshigeja egi hirarujeja herera eja shegunegi howare‐ningigina, hiranikarakjanena,

¹⁸ Hishjasu warninera waragi‐shuruhaisjege, egi hokawasrogeja unankhi hohambeja howa‐kireaguirekjege, egi Satan homashjainja unankhi Maura eja howa‐kireaguirekjege, washa woishana warninera wagit’unairekjege egi hoishjanera wakishu rus‐hirekjanena jarnaga harnaixgunangra e wakanjang‐wahirera.

¹⁹ Esge hung Agrippara, washa woijanti wangregi howajira inke khiba‐harnina.

²⁰ Eshi jorni Damaskus‐eja unangra wawagitagshana egi Jerusalem‐eja, egi Judra mowagaxra harnaj egi hirarujeja herera wawagitagshana, najgerakarateg hirarnaga egi Maura hawakshainekjege egi najge‐karateg woshga uinekjege.

²¹ Washa de‐e hawau wohokhu‐hojhixeteja Judra hinukos‐hirena egi d’ewinainena.

²² Eshi Maura eja wogijire hotussana hamb de‐e higu nia‐ambhajena, xununigra egi xetera hinuinke wawagitag‐hajena egi inke washinjahi waiaganina de‐eshana washa jagu prophetra egi Mosesga hajirekjane airera hihajena.

²³ Kristus jasgegi hawekjanena, egi E jornixji d’arnagra eja niamb‐howakirikjanera, egi wankshigra egi hirarujeja herera hohamb wagigikjanera.

²⁴ Egi kikarashigra deshesge egaja Festus mashja ena: Paulus warnaira nixawarnina, washinperesra hawinshrage wanaxiowongnina.

²⁵ Eshi wena: Inke warnaxihuwongnina Festus phixjira, eshi hoit’e wogisogra wagajena egi hasohixji.

²⁶ Egi hungra washa de‐e hiperesnakshana, wogishawaxji e wakit’ajena. Egi hiaperes‐hajena washa de‐e inke hisha nuxawa gimingnira. Washa de‐e inke hoikshegeja wauni hajege esge.

²⁷ Hung Agrippara, jasge prophetra warnanaxgushe? Hiaperessana warnanaxgura.

²⁸ Egi Agrippa Paulus wagena: Jowe hinsharaxuruganaga Kristian harninana.

²⁹ Egi Paulus wena: Maura roagiguna inke neshana nineninana, eshi hishge jarnaga hamb de‐e naixgune, washa jowexjinig nigeshge washa rokana hiuanaga jaisgajane shenisgawisheshi, wirusgij de‐eshana inke hiraniwajowinisheshi.

³⁰ Egi jaja deshesge e‐gi, hungra nashina egi mowagax hirukanara egi Bernike egi jarnaga wakishu minagra.

³¹ Egi jaja hijahi hagiregi hokikit’airena wairena: Wang de‐e inke washanisha hat’ehi phinigaja egi shige rusgijphiwaunigaja.

³² Egi Agrippa Festus wagena: Wang de‐e girushjarehi phingaja, inke Kaiser woehira hawaxuruj‐nigajeregi.