Hoixgara 25 - Winnebego Bible Portions 1907

¹ Egi jaja Festus mowagax rogeja jigi, hambra danihangi Kesarea‐eja rena Jerusalemra howarena.

² Egi nabhoruxaj hirukana hungra egi Judra xetera hit’at’airena Paulus hakhira, egi gitairena,

³ Najwojankje roguinena Paulus hakirananka, Jerusalem‐eja howahu‐gigikjege, nagueja hiraperanaga d’ehirekjege.

⁴ Egi Festus horniharna, Paulus Kesarea‐eja jasgegi harninankhi phinana, eshi e xapgenig wawakerekjanena.

⁵ Esge jarnaga horograwiregi shuruxurugwigi harnikishu hakerekjawina ena, egi wang de‐e washina‐sharaijawina, washa wowongra hisha unjegi.

⁶ Egi horoghireja hamb kerepana‐haishanaga hashanaha hiwusharna, Kesarea‐eja howakerena, egi haininegi waehi waminageja minagshana, egi Paulus harniji wa’shina.

⁷ Egi jaja jigi, Judra Jerusalem‐eja howajinanka hogigix nashinena egi washa hiraraj sgingerera roha Paulus hirakirairena, e inke wogisoghi ruxurug hiranina,

⁸ Paulus hikarat’et’ege, inke Judra woehi harninera, egi inke shige wohokhu‐hojhixetera egi inke shige Kaiser hakitarnina inke de‐e hisha hiaishananina.

⁹ Eshi Festus Judra giphi‐wahinaina, Paulus hornigiharna egi wena: Jasge Jerusalem‐eja horawasherekjeshe egi eja jowehaija niwessiwi hirekjeshe?

¹⁰ Egi Paulus wena: Kaiser waehi waminag harninegi nashi hajena, eja haehi phianina. Judra inke washa wowongra hisha wagiunina, hiraperesji‐rajena.

¹¹ Washa wowonk haungi egi washara hisha hauanaga d’ehire phi‐waungi, d’ehirera inke roaxininana. Eshi washa de‐e hirairajnagre inke hisha shesgarnige, inkisha eja hinushjare‐hininana. Woehira Kaiserga hapaxurujshana.

¹² Egi jaja Festus waehinanka wirokit’egi, horniharna: Woehira Kaiserga hashawa‐xuruijaneshe, Kaiser eorawasherekjaneshe.

¹³ Egi hamb jarnahagiregi hung Agrippa egi Bernike Kesarea‐eja hajirena, Festus hikaragi.

¹⁴ Egi jaja hambra roha eja uinegi Festus Paulus horagshana hawaura hungnaka hogiragshana: Wena, wang hisha eegi Feliks rusgij d’unarena,

¹⁵ E wagairena, Jerusalem‐eja hahigaja, nabhoruxaj hirukana hungra egi Jud xetera horaghirena, haehi hakira roigigu hirena.

¹⁶ Wawagena, Romannagre inke houna shegu hininankshana, wangra hisha d’ehi wagigininankshana, kheni washinaraj hirani washa wirarajnanka wakijaxji airanana egi jagu hiraraj hirakiranankhi kikarashig hikarat’et’e gigiranana.

¹⁷ Esge jaja hajirera, inke hipusharni, haininegi waehi waminageja mianagshana egi wangra joweharegi harniji wa’shina.

¹⁸ Egi jaja washa wirarajra nashinera, washa jagu hiraraj hirekjane hiarera inke shesge higairanina.

¹⁹ Eshi woiwax hirakirairena washa hoinige harnaxgu harninera hawau wagairena egi hisha Jesus higairegi, e d’egi, Paulus E niambshe e‐ga.

²⁰ Egi washa woiwax de‐e inke waiagiperesnige, esge hiagipaxshana, Jerusalem‐eja howaregi giphinaguni hihena, egi eja washa de‐e haehinana.

²¹ Egi Paulus hirakaraire nainge Augustus haehikjege ejipa, egi hirakara wa’shina Kaiser‐eja howare‐hakjanera ejipa.

²² Egi Agrippa Festus wagena: Hishge wangjega naxgungi haiphinana. Hainigi ena, nanaxgunkjena.

²³ Egi haininegi jaja Agrippa egi Bernike jiwina, rokana hakikarani, egi wornaxgu houeja hokawairena, manape hung xetera wakishu, egi jhinageja wang rokanara, Festus Paulus harniji washina.

²⁴ Egi Festus wena: Hung Agrippara egi wankshigra jarnaga hinakishu rajiwira, wang de‐e hashjawina, e wagairena Judra worohaxjina harnaj hingexji hirena, Jerusalem‐eja herera egi shige eegi herera uwainena, inke niamb rahe phinishe airena.

²⁵ Eshi jaja hiaperesra inke d’ehire phini waura, egi e Augustus eja woehira hawaxurujshana, eja howare‐hakjanena.

²⁶ E wagena, inke washa wogisog hirukana harnira giwagax duxurugnina. Esge jowerawiregi harnigarni hajiwina, egi hung Agrippara nexji joweraregi ningikerena, egi wessiwira ragishurushjangi, washa hagipagax duxurugnana.

²⁷ Inke phinina hiarege jhihornassairera hisha nigeoware‐hianaga egi inke horagnigi jaguisha hiraraj hire wagiuinegi.