Hoixgara 24 - Winnebego Bible Portions 1907

¹ Egi hambra sajahangaja Ananias nabhoruxaj hirukana hungra jina, xetera wakishu egi hit’et’eisha wakishu Tertullus higairera, e hungananka hokit’ena Paulus hakhira.

² Egi jaja gigoiregi, Tertullus higuana washinaraj‐jirena wena:

³ Hajarnankshana hishurukanawira rashgunira roikanawina egi hirukana phiranige wankshig howajehi de‐e woshga washinkisgexji waragishura. Feliks phixjira, washa de‐e hoishib egi higu hajinja herega wainapji rusnankshana.

⁴ Egi inke s’ii hoishaninikjanena, naixjina harnainagixgusheshi hoit’e jarnakhira wagena wankshigphi‐ranigaja.

⁵ Wang de‐e nakewesgeisha hereje hiaewina egi e khikshab wahijena Judra harnaj horoghireja managre harnaj, egi Naserenara howajehi‐khinera wajhoshura erena.

⁶ E wohokhu‐hojhixetera shishighi nainjena E hatukoswina egi woehi harniwira hiauwianaga hae‐hawinana.

⁷ Eshi manape hung xetera Lisias hiraijiwina, egi homashja rokana hiuanaga naishewina.

⁸ Washinarajire warnira uwashina hiranijianaga. Egi nexji shewesiwianaga washa de‐e harnaj hish’enana, jaguisha hawau washa hirataj‐hajera.

⁹ Egi Judra hishge wairena jagu hihajane shesgeshe airena.

¹⁰ Egi jaja hirukanara Paulus nab‐girutabanaga hit’et’eshigi, horniharna: Hiniperessana ma‐rohaxji wankshig howajehi de‐e wawishurukanara, esge hiraijera wogishawaxji horniahakjanena.

¹¹ Hiperes shuruxurug‐shanakshana hambra kerepanaishanaga‐nuphashanahana Jerusalem‐eja hahira gikaraj.

¹² Egi inke wohokhu‐hojhixeteja hisha kitag hinsh’ewinina, inke shige wankshigra watupurunina, inke wohokhu‐hojhieja inke shige jhinageja shesge harnina.

¹³ Inke shige washa jagu hirairajnagre wogisog hiruxurug hiranina.

¹⁴ Eshi de‐e wakikaragshana howajehi‐khine arnagra e hiauanjena hianjwahara Mau harninera hagikaraj‐hajena, washara harnaj woehieja egi prophetra wagaxhirera harnaxguhajena.

¹⁵ Egi woinashi Maura eja hapahi hakereajena, woinashi de‐e hishge hapenankshana, d’era hakiha wankshiginekjanena, phira egi wowongra.

¹⁶ Egi jajanaga hoishib hiakijgajena wowewi phi hiu Maura jowehieja egi wankshignagre jowehireja.

¹⁷ Egi ma‐rohaxjingaja hakirina wankshig warnira washa wogara harniakirina egi nabhiruxajra.

¹⁸ Deshesge hajau Judra hota Asia‐eja howakirirena wohokhu‐hojhixeteja phiankik’u hajau hirerena, inke hornihexete hakishu haunina inke shige woxenina.

¹⁹ She‐e joweraregi haji phinegaja egi washanisha hiraikira hiranagi, hirairaj hiranana.

²⁰ Nigeshge higinagre airekjena, washa wowongra hisha hau hingieregi woehi jowehireja nashi hajanegi.

²¹ Hoit’e de‐eshana hihena horog‐hireja nashinegi, d’era hakiha wankshig‐inekjanera haehara she‐e hawau hamb de‐e hishewessiwiwina.

²² Egi jaja Feliks washa de‐e naxgungi, wogus de‐e hiraijera wogisogji hiperessana wagiwaxurujshana egi wena: Jaja Lisias manape hung xetera jigi washa hashiniwira harnaj hirahinana.

²³ Egi manape hung hisha Paulus hirakara’shina egi shgare ungigirena egi inke roxihiranina higu peshe wawikiperesra hirahianaga egi wagirekjegi unana.

²⁴ Egi hamb‐jarnahangiregi, Feliks hina hijawina hakarakishu Drusilla higairera, e Judra hinugisha herena, Paulus gigorna egi Kristus harnaxgunjegi e hawau naxguinekjege.

²⁵ Egi wogisogphira hirokit’ena egi hikikurukanara, egi woehira jikjanegi hirokit’ena, Feliks gissassana egi horniharna, shegunegishi karare, jaja houiphingi ningigokjanena.

²⁶ Hishge shura Paulus hok’unkjane karakjampshana girushjanehikjege, esge dejankhi gigorna egi hokit’eshununa.

²⁷ Eshi ma‐nupahangaja Porkius Festus Feliks hominagra hominagshana, egi Feliks Judra giphi‐wahinai Paulus rusgij d’unarena.