Hoixgara 17 - Winnebego Bible Portions 1907

¹ Egi jaja Amphipolis egi Apolonia eahi‐wowairanaga Thessalonika‐eja hahirena, Judra wohokhu‐hojhisha harninera ejanankshana.

² Egi Paulus e woshga harnira herege hijokawarnaga wirahina, egi Sabath hambra daniha Mau hoit’era wawirokit’ena.

³ Wagiruhas‐anaga egi wagiwahajena Kristus hawegi phinange wauna egi shige d’arnangra eja niamb‐howakirina, egi Jesus de‐e E hihornikhu hajane Kristus herena.

⁴ Egi hota harnaxguinena, egi Paulus egi Silas eja here hijerena, egi Hellenist Mau nakewera worohaxjina, egi hinug xetera inke watageni.

⁵ Eshi Judra jarnaga inke harnaxgunigi wakiwassajijerena, woruwieja hojhaina horaje u‐nankhi wakishu hagirena wang wowong, egi sto‐khirarnaga, jhinaganaka harnaj warupuruirena, egi Jason hojhira jawe hahirena, egi Paulus egi Silas wankshigeja warni‐hakirina’inekjege.

⁶ Egi jaja inke wieranigi, Jason egi wakhinubra hota jhinag hirukanainja waruti hakirirena, uwainena: Wangnagra mara runa hot’unairena, shige egi hajirena.

⁷ E Jason hojhieja hokewe wagigina, egi de‐e harnaj Kaiser u‐washi harnira hagikirairena, wairena, hung hijaneisha eja jeshe Jesus higairegi.

⁸ Egi wankshignanka egi jhinag hirukanara najge woji wahirena, jaja washa de‐e naxguinegi.

⁹ Egi jaja Jason egi hijanenanka wikiwagax wagigiregi, wagirushjanehirena.

¹⁰ Egi wakhinub‐hirera higuana haheregi Paulus egi Silas Berea‐eja howare‐wahirena. E eja hahiregi Judra wohokhu‐hojhi harnineja hokawairena.

¹¹ De‐e hiraijera wankshig‐phinena Thessalonika e worujis hirena. Hoit’era rusra giphixjinena, egi hambga wowagaxra wessiwi‐nankshana washa de‐e jasge hisgeguni‐hirairege.

¹² Esge rohaxji harnaxguna, egi shige hinug gish’aghirera Hellenist waunankshana egi wangra inke watagnina.

¹³ Eshi jaja Judra Thessalonika‐eja herera naxguinegi, Berea‐eja Mau hoit’era Paulus wihokhunjegi shige hajirena egi wankshigra warupuru‐hirena.

¹⁴ Egi higuana wakhinubra Paulus tejainja howaregigirena, eshi Silas egi Timotheus higu eja unankshana.

¹⁵ Egi e Paulus wakishurera Athen‐eja harniahirena. Egi worag‐sh’irawina Silas egi Timotheus higuana sagrexji hajirekje wigena, hakarairena.

¹⁶ Egi Paulus Athen‐eja wapejau, naxirag harnira tegshana, jaja jhinagnanka harnaj mau‐kikuinera hoixji hajagi.

¹⁷ Egi wohokhu‐hojhieja Judranankhi egi Mau nakewera wawokit’ena, egi woruwieja hambga jarnaga higa wawokit’arnakshana.

¹⁸ Egi Philosophra hota Epikurera egi Stoikeja herera kitag‐hirena. Egi hota wairena: Itaje de‐e jagu ekjaneshe? Hota hijanera wairena mau hijahi horagnagkhuni hirewahigaja, Jesus egi hakiha wangshighoi wihokhunjege esge.

¹⁹ Egi rus‐hirena egi Areopagus‐eja harniahirena, wairena: Wogus jeg de‐e jaguisha heregi hiaperesikjawina e waragigus rajane.

²⁰ Washa jeg naxgu hinarajawina, esge washa de‐e jaguisha heregi hiperes roaguwina.

²¹ Egi Athen wankshigra harnaj egi hijahi here hijarnankhi inke washinjahina hisha uinarni, washa jeg horaghiranaga egi warnaxgunankshana.

²² Egi Paulus nashina Areopagus‐hokisageja egi wena: Athen wang raniwira, hinipereswina higu washa jagura harnaj warnanaxgura ronikanawina.

²³ Jhinagra hiroha wawahura egi washa waragikaraj harajegi wajharna nabruxaj hauisha hajhara wowagaxra de‐e herena: Mau inke hiperes hiranira wagiuine. E inke hirapereswini ragikaraj harajena, E hornigitaikjanihawina.

²⁴ Mau E mara una egi washara jarnaga hoshuakhi, maxihoshuagre egi mara E Hirukanara herena, esge inke jhi nab hiuine hojhinina.

²⁵ Inke shige wankshig nab wire higiu‐hiraninana, washanisha rogunag‐anaga, eshi E harnaj wankshighoina egi hornihara egi washara harnaj wawagiunakshana.

²⁶ Egi wankshig‐hokirajra harnaj wa‐ira hishankira waunankshana maihagra harnaj hojhinagre, egi jornineja wawagiuna jajanagi hereanaga egi hajinja jhirekjanera.

²⁷ Hirukanara horninekjege ningete hiperes‐hiranaga egi hie‐hiranage, jarnaga hiniwina inkisha hari wangagiuni hajarnunige.

²⁸ E wankshighi‐ihajena egi hixgara wangagiuwina egi hojhi‐hajawine, Poet washiniwira hota hishge shesge airena. Hishge ninkjang E wangarniwina.

²⁹ Esge Maura ninkjang wangarniwigi, inke maura shurasi egi shurasga egi ini, hisgera u‐waruphi egi wankshig wowewi hiuine nakhuni hirawinine.

³⁰ Egi inke hiperesni waura de‐e, Maura inke wajarni kikuna, eshi shegunegi wankshigra higu hajinja herera najgerakarateg wa’shina.

³¹ Esge hambisha wamangirajshana eja managre woehiphiwi‐giunkjanena, Wang she‐e gijana hiu, E wankshigra harnaj harnaxgu wogarnaina, she‐e hiuanaga d’arnagraeja niamb howakirihina.

³² Egi jaja d’era hakhiha wankshigine naxguinegi, hota igixjairena, egi hijanera wairena: Washa de‐e shige nanixgukjawina.

³³ Egi Paulus horogeja unjegi nigeowakerena.

³⁴ Egi wangra hota hakishu uinena, egi harnaxguinena, hisha Dionisius higairera Areopagit hisha herena, egi hinugisha Damaris higairera egi hijane hakishu.