Hoixgara 10 - Winnebego Bible Portions 1907

¹ Kesarea‐eja wangisha jena, Kornelius higairera, e manape hungra herena, manape hornihe she‐e Italien higairena.

² Wang phisha herena egi Maura nakewena egi jhiharnira harnaj wakarakishu, e wankshigra washa wogara roha wogarna, egi hoishib Maura gikarajshana.

³ E washanja wogisogjisha hajarna, hambregi ejaxji howagix hishanki‐jushguninegi hereguni, Maura waxopiniwarajire harnira hirajina egi wagena: Kornelius.

⁴ Egi horuxujshana nakewena egi wena: Jagu‐u Hirukanara? Egi wagena: Gikaraj hashinira egi woga hashinira wangregi hina Maura jowehieja hinigiperes‐nankshana.

⁵ Egi higuana Joppa‐eja wang howaregigire egi hisha Simon rash hinup harnira Peter higairera gigore.

⁶ E hisha Simon higairera waru’shawaisha eja unjena, hojhira te‐hijejeja herena. E jagu sh’unkjera hornigiraikjanena.

⁷ Egi jaja waxopiniwarajirejega e Kornelius hokit’era keregi Kornelius jhieja ware warnigi nup gigorna egi manape phira jajanaga hoishib hija‐wagiranankhi.

⁸ Egi jaja washa de‐e harnaj wogirag rashjangi e Joppa‐eja howare‐wagigina.

⁹ Egi haininegi hikiwarera harairena egi jhinagra hiwusunsh hahiregaja, Peter jhi‐hihageja hina gikaraj, ejaxji howagix hirakewe‐hanegi hereguni.

¹⁰ Egi mashja dokewehina egi waruj roguna, egi waruj hirushja giginank’u warnaira nige‐howarejijena,

¹¹ Egi maxira ruhas hajarna egi woshuisha harukanag hugi hirajina, waiperi xetehi nige hopasse hijopihike rusgijra ere egi manegi jinag‐hirena.

¹² Eja wanoijge hu‐jop‐himani manegi here hoshujina egi wanoijge hojaina horajera egi washa kikurutira egi ahuirassa wangregi herera.

¹³ Egi eja hit’eisha hirajina, nashine Peter, d’ewahige egi warujre (higairena).

¹⁴ Eshi Peter wena: Inke shesgarnina Hirukanara, inkaga washa hoinigera shige washa warakanara hisha haj‐nina.

¹⁵ Egi shige hinupahana hit’et’era hirajina, Maura jagu phi‐ura, inke ne washa hoinige wigarnine.

¹⁶ Washa de‐e daniha una egi woshura shige maxieja harnianjia‐karairena.

¹⁷ Egi washa ja de‐e jaguisha hawau haja‐gigireguni hirege egi Peter wowewi harejnank’u, Kornelius huwagigira Simon hojhira hiwaxnankhi egi jhirobeja nashinankshana.

¹⁸ Egi gigoirena egi Simon hiwaxhirena e rash hinup harnira Peter higairera eja najeguni airena.

¹⁹ Egi Peter washanjara wewinank’u, Naxiragra wagena: Horuxujre wangra dani hornini hajena.

²⁰ Esge nashinge egi harnukanagke egi wakishu rare inke washanisha khibahinine, Ne reningigina.

²¹ Egi Peter harnukanag‐anaga wangnanka wirahina e Kornelius eja howaji hirajirera, egi wena: Horuxujwire newinena hisha horani harajegi, jaguisha hawau rajiwishe?

²² Egi wairena: Kornelius manape hung hisha herera, wang phisha egi Maura nakeweisha herera egi wankshig howajehi Judra harnaj raphinena, Maura eja howaji horus waxopiniwarajireisha hiu ushirena, harnigu hahuirarnaga eojhieja horakewekjege egi hoit’e nanixgunkjege.

²³ Egi Peter hokewe wa’shina egi hija na‐wagigina, egi hainigi Peter wakishu rena egi wakhinubra hisge Joppa‐eja herera hakishu harairena.

²⁴ Egi haini hinupahainja Kesarea eja hokawairena. Egi Kornelius wapenakshana egi washawahira egi hiwusunsh hijakorowahira sto‐wakaragina.

²⁵ Egi Peter hokawaregaja Kornelius hikipajina, egi sihieja ming‐jimpshana egi gikarajshana.

²⁶ Eshi Peter nashingigina wena: Nashine, nishge wankshig hisha wa‐uanjena.

²⁷ Egi hokit’ajau hokewena egi roha hiena sto‐nankhi.

²⁸ Egi wawagena: Hiraperes‐wigaja jasgera washa de‐e woehieja roxiagra inke Judra wangra hisha hakishu uinarni nara shige inke wankshig howajehi hijahieja jininara. Eshi Maura waigiwaharna inke wankshigra hisha hoinige shige warakana hiagarnikje ena.

²⁹ Esge hiranijina inke khibaharni, hingigoirera. Egi hinigipaxshana jaguisha hawau hinagigo hiragi.

³⁰ Egi Kornelius wena: Hambra jopahana hantaginajnakshana howagix eegi hipa, egi howagix hishanki‐jushguni‐hainja hagikarajshana jhi wajhiregi egi horuxujre wangisha joweharegi nashinjena waini rukanakanap‐un.

³¹ Egi wena: Kornelius, gikaraj hashinira naxguinena egi woga hashinira Maura jowehiejananke warnigiwewi hirena.

³² Esge Joppa‐eja howare‐wagigire egi Simon gigore rash hinup harnira Peter higairera, e Simon higairera waru’shawaisha herera hojhieja najena, teja hijejeja, e jaja jigi hornikit’ekjanena.

³³ Esge higuana hagu warnigigina egi phinagaja rajira. Egi shegunegi harnaj Maura jowehireja ha‐uanakaja Maura washa jagu unishigi harnaj naxgunkjawi.

³⁴ Egi Peter ishabshana egi wena: Hisgexjingaja hajharna Maura wankshigra inkisha hiraijera hinira.

³⁵ Eshi wankshig hokirajra harnaj hisha nankewegi egi wore phi ungi, e giphiranana.

³⁶ Hoit’e E Maura Israel ninkjangra wirahihina Jesus Kristus rashguni wahikjane wihokhuinena e harnaj Hirukanara herena.

³⁷ Hiraperes‐wigaja washaisha horaghirera Judeara harnaj egi Galilea eja jeg unena, niwawaxu hageja e Johnga horagshana.

³⁸ Jasge hounahira Maura Jesus Nasareth‐eja herera Naxirag Wakanjangra hawaxuna egi homashjara, E rarnaga washophi una egi harnaj rushjawahina jarnaga waxopinishishig hawe‐hiuankhi, Maura hakishu unjege esge.

³⁹ Egi ne wihohira winewina washara jarnaga ura Judra ma harnineja egi Jerusalem‐eja. E d’ehirena egi nainja hoijgekanaghirena.

⁴⁰ De‐e Maura hamb hitanihainja kikawa‐ahina, egi hajairehina.

⁴¹ Inke wankshigra harnaj hajairani, eshi wihohinanka Maura jorni waijara newinewina e hakishu wahajwina egi hakishu dajgawina d’arnagra eja kikawa‐a howakirianaga hageja.

⁴² Egi wankshignagre wahokhu hi’shiwina egi horag, E Maura ungigina waehisha herekjege niambra egi d’arnanka eja.

⁴³ E prophetra harnaj horaghirena rash harnira hiu higu peshe harnaxgungi washa woishana warninera wagit’unairekjanena.

⁴⁴ Peter hoit’e de‐e a‐jau Naxirag Wakanjangra harnaj wirajina jarnaga hoit’era naxgungi.

⁴⁵ Egi harnaxgura majairera khorairena Peter jarnaga hakishu higa, hirarujeja herera hishge Naxirag Wakanjangra wawaxuinege esge.

⁴⁶ Hoit’e hokiraj hit’e warnaxguinena egi Maura mashja rajangnankshana. Egi Peter horniharna,

⁴⁷ Jasge hisha nira hiraja hinashe, wankshig de‐e inke ni‐wawaxu hiranina, e Naxirag Wakanjangra harni‐wagigiregaja jawangasgawira hiwikisgawina?

⁴⁸ Egi ni‐wawaxu wa’shina Hirukanara rash harnira hiu. Egi hambra jarnahangi hija hiwusha nangi‐ixji hirena.