Hoixgara 1 - Winnebego Bible Portions 1907

¹ Theophilra jorni woragra ningipagaxra, Jesus washara jarnaga jeg‐hojikereja ungi egi washa wagigusra.

² Hamb wangregi howarniankarairega ejipa nigipagaxshana, egi Naxirag Wakanjangra hiu Apostelra uwashira wogarna, e waijara.

³ E shige niambra wagi‐kikawaharna hawarnaga hageja wijanti‐khira roha hiu. Hajairena hambra kerepanajopaha, egi Maura hungma harnieja washara roha ena.

⁴ Egi sto‐wakishu una, Jerusalem eja inke nigeowakarairanikje ena, eshi Hianjra homanaj harnira haperekjege, nainaxguwishare ena.

⁵ Johnga hisgexji ni wagiuna wawaxura, eshi Naxirag Wakanjangra harni‐waxunkjanihawina inke hambra rohani epa.

⁶ Jaja stoiregi, higiwax‐hirena, wairena: Hirukanara, xapgenig Israel hung‐mara shige waphina gishunkjaneshe?

⁷ Egi wawagena: Inke ne‐hiraperes‐nikjanihawina jajanagi herekjanegi, shige heregi, she‐e Hianjihiwira E unkjanena homashja earnira hiu.

⁸ Eshi homashja hashinikjanihawina, Naxirag Wakanjangra hiranijiwigi hageja, egi ne worag harninikjanihawina Jerusalemra, egi Judeara harnaj egi Samariara egi manegi harixjinankhi woragi‐sharagikjanihawina.

⁹ Egi jaja washa de‐e arnakhi, horuxuj‐nank’u, wangregi howakerena, egi maxiwi rus‐hirena inke hinupahara hajairanina.

¹⁰ Egi wangeja horuxujnank’u, wangrowakerege, horuxujwire wangra nupiwi waini sga‐u nashinankshana.

¹¹ E wairena: Wang Galilea‐eja herera jagu‐u nanashiwianaga egi wangregi shewesiwi harajeshe? Jesus de‐e, E ningirus hirawire wangregi howakarare shige shesge jikjanena, wangregi howakere hashjawire shesge.

¹² Egi hakja Jerusalem‐eja howakarairena Oliw‐xera higairera eja howagi, Jerusalem‐eja howahira Sabath hoikiwareishana.

¹³ Egi jaja hoikawairegi, jhiwangeja hahirena, eja hiwushairena Peter egi Jakob egi John egi Andreas, Philip egi Thomas, Bartholomeus egi Mattheus, Jakob Alpheus hinigra egi Simon Selotes egi Judas Jakob khinubra.

¹⁴ De‐e harnaj warnaira hishankira hiunankshana gikarajra egi exjinag, hinugra wakishu, egi Maria Jesus hiunira, egi wakhinubra wakishu.

¹⁵ Egi hambananka Peter nashina, wironagnanka horogeja egi wena: (Harnajra ejaxji hogwihishanaga egi kerepananup‐hashana,)

¹⁶ Wangra egi hikhinubwira, wowagax de‐e exji herera phina, e Naxirag Wakanjangra jornineja Dawid e‐gigige wena: Judas haehi, e wajoginige Jesus harukos‐hirena.

¹⁷ E hakishu wangaikarab‐hirawira hisherena, egi wore de‐e nige ruxurugkajerera.

¹⁸ Egi wang de‐e max‐hisha ruwina, wankshigd’ehi woirowera hiu, egi shibrena, kissag gikunugshana, egi ujwoshura harnaj hihinabshana.

¹⁹ Egi Jerusalem hajhira harnaj hiperes‐hirena, esge max she‐e wagairena hit’e earninera Hakeldama higairena, wa‐i maxra higewairena.

²⁰ Psalm wawagaxra shesge wagaxankshana: Hojhira maisinjshana egi inke hisha hijajhinina, egi wore earnira hijane rus‐hirekjanena.

²¹ Esge wangnagre, e wangakishu unangwina hoishib, Hirukanara Jesus horog‐hihiwiregi hoikawarnaga egi hihinabjera,

²² Johnga niwawaxu jeghojikerehi harnieja ejipa egi hambeja wangregi wangakurus‐hirawira, wihohira hisha hakishu hiuwingi phinana hakiha‐wankshig‐inra horag.

²³ Egi nupiwi gijhainena, Joseph Barsabas higairera, egi shige Justus higairena, egi Matthias higairera.

²⁴ Egi gikaraj‐hirena egi wairena: Hirukana ranira, wankshigra harnaj najgera wiraperes‐rajegaja, hipereswiwine nup hajane waraijangi.

²⁵ E wore de‐e nige unkjena egi Apostelkjena, Judas e gixagaja, e mojabeja howakerekjena.

²⁶ Egi hushereg gishox harninera wogairena, egi Matthias e gikirinakshana, egi Apostel hishankira‐hashanainja wakishu gikarabhirena.