Hogusra 6 - Winnebego Bible Portions 1907

¹ Egi wauinena, jaja wankshigra ma hihagregi worohaxji harena, egi hinug‐wahirera wawagarni hirena,

² Maura hinigwahira wankshig‐nanka hinug‐wahirera wajairena hajara phinera, egi wakhanag hirena harnaj wauinena hisha giphinega.

³ Egi Jehowa wena: Naxirag harnira inke manegus wankshig‐nagre wawiunja uxjinikjanena, wankshigra ro waunanke esge, nunige hamb warninera ma hogihishanaga kerepananup‐hashanaha wankshig‐inekjanena.

⁴ Hambananka eja wankshig‐xete manegi nankshana, hijairaxji jaja Maura hinigwahira wankshig‐nanka hinugwahirera wakhanag‐hiregi egi ninkjang wagarninena, ninkjang she‐e rokana jijerena e s’ii waish’ag hirena.

⁵ Egi Maura hajarna manegi wankshigra howowongra rokananagra egi harnaj wowewi warninera egi warogu warninera harnaj najgeja howaji hoishib washoshishigrashana hererena.

⁶ Egi Jehowa hikibarna wankshig ma hihagregi unra, egi najgerategshana.

⁷ Egi Jehowa wena: Wankshigra waura maisinsh wahakje ma hihagreginagra, wankshigra egi wanoijgera egi washa kikurutira egi ahuirassa wangregi herera, hiakibarna wawau harnihera.

⁸ Egi Noah najojaine hikiena jehowa jowehieja.

⁹ De‐e Noah hokijhu harnira herena: Noah wang phisha herena egi Mau nakewesha wankshighoi eja, egi Noah Maura hakishu maniankshana.

¹⁰ Egi Noah dani hinig‐hina, Shem egi Ham egi Japhet.

¹¹ Egi mara hishge shishigshana Maura jowehieja, egi mara wigishanara hoixjina.

¹² Egi Maura mara horuxujshana egi horuxujre, shishigshana, rora harnaj woshgara shishig hirege ma hihagregi.

¹³ Egi Maura Noah wagena: Rora harnaj hosheja harninera joweharegi jina, mara wigishanara hoixji hirena, egi horuxujre maisinsh wahakjanena mara wakishu.

¹⁴ Wajra hisha kik’une na shokawa jhu hiuanje, hakohihi hiaje waj‐eja, egi rogra egi jangra shokawa hoixiriaje.

¹⁵ Egi deshesge rakjena: Waj‐anka hoserejra nab‐horushaj nubra hogihi‐dani kjena egi harujera nab‐horushaj nubra kerepana‐saja kjena, egi hohankshira nab‐horushaj nubra kerepana‐dani kjena.

¹⁶ Wajra hirohamb jhu‐rakjena egi nab‐horushaj nubra hishankira wangeja gihas rakjena. Egi waj‐eja jhirobra ruhieja rakerekjena, egi hakohi mainja herejhu‐rarnaga egi hakohi wangeja hinup jhuanaga egi wangeja hakohi hidaui jhu‐rakjena.

¹⁷ Egi horuxujre, ne nexji managre hihagra ninja hakjanena, rora harnaj jarnaga niamb‐ankhi maxi‐khuhanegi nagre, maisinsh hirekjege, egi jarnaga washara harnaj ma hihagregi nagre d’airekjanena.

¹⁸ Eshi ne rohira horeishankira ninkhinkjanena, egi waj‐eja horakewekjanena ne‐nineanaga egi hinig‐waraga hijawinaga egi hinig‐waraga hijawi‐wahirera wakishu.

¹⁹ Egi washa niambra rora harnaj, howajehira harnaj nupshana waj‐eja woshuaje, niamb wakishu uanje, wang hiranaga egi hinug.

²⁰ Ahuirassa howajehira, egi jera howajehira, egi washa kikuruti manegi herera howajehira, howajehira harnaj nupshana hiranijirekjena, niamb warnianje.

²¹ Egi warujra jarnaga ruj‐hirekjera harningiaje egi sto warujgusaje, egi raijera egi ruj‐hirekjera.

²² Noah shesgehina, Maura jasge hishira shesgehina.