Hogusra 12 - Winnebego Bible Portions 1907

¹ Egi Jehowa Abram wagena: Ma hashininegi hihinabge nigeowarare egi washawararegi egi hianjraga hojhiregi, ma nige himanigitaikjanera eowarare.

² Egi wankshig howajehi rokana niunkjanena, egi washophi howenikjanena, egi rash hashinira rokana ninkjanena, egi washophi howe‐wahiranikjanena.

³ Egi washophi howe‐wahakjanena washophi howeninegi, egi washoshishig howekjanena, washoshishig howenigi. Egi ne‐hawau manegi jhinagra washophi howairekjanena.

⁴ Egi Abram nigeowarena, Jehowa hirokit’era shesge. Egi Lot hakishurena. Egi Abram ma kerepana‐shagowihanaga egi saja‐hashana‐hangaja Haran eja nigeowarena.

⁵ Egi Abram hijawira Sarai hakaraninena egi khinubra hinigra Lot egi washara jarnaga ruxurughire harninankhi egi naxiragra jarnaga Haran eja harninankhi. Egi Kana‐an mainja howarairena, egi Kana‐an mainja hahirena.

⁶ Egi Abram mara howaregi Sixem eja hina, nanojaija Moreh higairera. Egi Kana‐anitra ma‐eja nankshana.

⁷ Egi Jehowa Abram janti‐gikhina egi wagena: Made‐e su hashinira wawak’unkjanena. Egi eja nab‐haruxaj haura Jehowa giuna E janti‐gikhina.

⁸ Egi eja gixanarena xeisha ejanakhi Bethel wiaxebhueja hina egi eja jhina Bethelra wihoirejanakshana egi Ai wiaxebhuejanakshana egi eja nabharuxaj haura Jehowa giuna egi Jehowa rashra rajshana.

⁹ Egi hageja Abram sanig wiorojonjera hapahi hoixanana.

¹⁰ Egi eja mara dokewehi wahina. Egi Abram Egipteja howarena ma‐wakuruxe jhina, mara dokewehi wahira rokanage esge.

¹¹ Egi herena jaja Egiptra hiwusunsh hokewera higi, hijawira Sarai wagena: Horuxujre, hiaperessana hinug phi hajararanina.

¹² Egi wauinekjanena jaja Egipt wankshigra harnijairegi, wairekjanena: De‐e hijawira herena, egi d’ewinekjanena, eshi niambjeninekjanena.

¹³ Ningitarna, ne hinug nijabshe aje, ne hawau, phi hauanjekjena, ne hawau naxirag harnira niaimbjena.

¹⁴ Egi herena jaja Abram Egipteja higi, Egipt wankshigra hinugra hajairena mashja hajara phira.

¹⁵ Egi Pharaoh manape hung harnira hishge hinugjega hajarna egi Pharaoh jowehieja hinugjega hophira rajankshana. Egi hinugjega Pharaoh hojhieja harniokawairena.

¹⁶ Egi hinugjega hawau Abram phi hirena. Egi jhasga harnina egi jera egi shungxete‐najawaxete wangra egi wang warera egi hinug warera egi shungxete‐najawaxete hinugra egi wanoijge‐huxashogra.

¹⁷ Egi Jehowa Pharaoh egi jhi hojhira howashara rokana wahina, Sarai e hawau Abram hijawira.

¹⁸ Egi Pharaoh Abram gigorna egi wena: Jagu‐u de‐e wairagish’ushe? Jagu‐u inke hunagisharagnishe ne hijawiragi?

¹⁹ Jagu‐u washeshe, ne hinug‐hajabshana? Esge hakhanaikjane hiaregajerena. Egi horuxujre, hijawiraga de‐erena, kurusge egi karare.

²⁰ Egi Pharaoh wang warnira u‐washina Abram haehi, egi nigekere hahirena egi hijawira, egi washara jarnaga harnigi harnaj.