Hogusra 1 - Winnebego Bible Portions 1907

¹ Jeg‐hojikerehieja Maura maxihoshuagre egi mara wagussana.

² Egi mara inke washanisha wogisognina egi manarna, egi hoshewenaka hokawasrogeja‐nankshana. Egi Maura Naxirag harnira ni hipara wangeja hoikara howena.

³ Egi Maura wena: Hohaimbjena, egi hohambshana.

⁴ Egi Maura hajarna hohambra phira. Egi Maura hohambra hokawasra kirujewahina.

⁵ Egi Maura hohambra hambra higena, egi hokawasra hahera higena. Egi hoxjarnaishana egi hainisha de‐e hambjornira herena.

⁶ Egi Maura wena: Kerajojimbjena nirogeja nira kiruje warnikjanena.

⁷ Egi Maura kerajora una egi nira injab t’umbshana kerajo‐khuhainja herera egi nira injab t’umbshana kerajowangeja herera, egi shesgena.

⁸ Egi Maura kerajora wangejaherera higena. Egi hoxjarnaishana egi hainisha de‐e hamb hinupahana.

⁹ Egi Maura wena: Egi nira horeishankira stowire maxikhuhanegi herera, egi mowusra jantinkjena, egi shesgena.

¹⁰ Egi Maura mowusra mara higena, egi ni stowaka tejara higena. Egi Maura hajarna phira.

¹¹ Egi Maura wena: Manaka xawi haxebjena egi xawiabxetera su haminag hirekjena, egi na has haminagra has haminag‐hirekjena, na jaguisha heregi, has shesge haminag‐hirekjena, sura e kik’uinekjena manegi herera, egi shesgena.

¹² Egi mara xawi haxebshana egi xawiabxetera haxebhirena sura kik’uinena, egi nara has haminaghirena sura e kik’uinena, na jagu hiregi has shesge haminag‐hirena. Egi Maura hajarna phira.

¹³ Egi hoxjarnaishana egi hainisha de‐e hamb‐hidanihana.

¹⁴ Egi Maura wena: Hohaimbjena kerajo wangregiagre, injaibjena hambra egi hahera, wijantinkjege egi mojakhiwera egi hambra egi maishara.

¹⁵ Egi kerajo wangregiagre hohambra herekjena managre hohambhikjege, egi shesgena.

¹⁶ Egi Maura hohambxetera nup una. Hohamb hiraijaira xetejega hambra hirukanana, egi hehamb worujisjega hahera hirukanana. Egi wiragoshgera hishge wauna.

¹⁷ Egi Maura kerajo wangregiagre hohamb t’umbshana managre hohamb‐hikjege.

¹⁸ Egi hambjane hirukanahina egi hahera hirukanahina, egi injab hohambra kerena egi hokawasra. Egi Maura hajarna phira.

¹⁹ Egi hoxjarnaishana egi hainisha de‐e hamb‐hijopahana.

²⁰ Egi Maura wena: Nira wanoijge niambra rohaxji horniambre, egi ahuirassara managre wangra hotainekjena, wangregi kerajoagre khuhana hogokeja.

²¹ Egi Maura wanoijge xete niejerera wagussana egi wanoijge niambra jarnaga hixgaxgankhi, nira hiwashishig hirena, hokirajra harnaj herena. Egi ahuirassara harnaj hokirajra jarnagagi harnaj herena. Egi Maura hajarna phira.

²² Egi Maura hopi howe‐warogigu wena: Wojawire egi woroha harawire, egi hoixjiwine nira tejanegi, egi ahuirassara worohawine manegi.

²³ Egi hoxjarnaishana egi hainisha de‐e hamb‐hisajahana.

²⁴ Egi Maura wena: Managre wanoijge niamb horniaimbjena hokirajra, jera egi wikirira egi wanoijge manegi herera hokirajra, egi shesgena.

²⁵ Egi Maura wanoijge manegi herera wauna hokirajra, egi je hokirajra, egi wikiri manegi kikurutira hokirajra, egi Maura hajarna phira.

²⁶ Egi Maura wena: Wankshigra hisha hiunkjawina wang‐hoikawainkjawina, jawangasganagra shesgekjena. Egi tejainja honaka wawirukanakjena, egi ahuirassara wangeja unaka wawirukanakjena, egi jera wawirukanakjena, egi mara harnaj hirukanakjena, egi washara jarnaga kikurutiakhi ma‐hihageja kikurutinankhi wirukanakjena.

²⁷ Egi Maura wankshigra gussana, hoikawank‐khina, hoikawankshana Maura, wankshigra gussana, wangra egi hinugra wagussana.

²⁸ Egi Maura hophi howewarogigu, egi Maura wawagena: Wojawire egi woroha harawire, egi mara hoixjiwire, egi wanawine, egi tejainja hornanka wawishurukanakjanena, egi wangeja ahuirassananka wawishurukanakjanena, egi jarnaga washa niambra ma‐hihageja kikurutinanka wawishurukanakjanena.

²⁹ Egi Maura wena: Horuxujwire, jarnaga xawiabxetera su kik’unagra ma‐hihagregi‐nagre harnaj hornik’uwina, egi nara jarnaga has haminagankhi su ju‐nankhi, ne waraijanihawina.

³⁰ Egi jarnaga wanoijge mainja herera, egi jarnaga ahuirassa wangeja herera, egi jarnaga washara ma‐hihageja kikurutianka, jarnaga niamb‐ankhi, jarnaga xawiabjorakhi waruj wagarna. Egi shesgena.

³¹ Egi Maura hajarna washara harnaj una, egi horuxujshana, mashja phina. Egi hoxjarnaishana egi hainisha de‐e hamb hirakewehana.