YAOGYAW 24 - Wa Common Language Translation

Simiang Cao Pa Ting Lhaong

¹ Haktiex mai can pa koe piang haktiex khawmuik, hoik mawh cie Siyiex mai kawn pui pa ot ka piang haktiex khawmuik kawx mawh cie Siyiex heue.

² Grawh grawng nawh, deuh ceu an khankix piang rawm sigrit sigra mai kieh kaux cong ka piang rawm khankix heue.

³ Mawh pui mawx pon ti hoek ka piang gawng dee ot Siyiex? Mawh pui mawx pa pon ti cung dee singax singeh Nawh Cao?

⁴ Mawh pui pa singax taix mai pui pa singax daux rhawm mai pui pa ang kieh rhawm tix hu ka daux pa pie lhen mai pui pa ang jhax lawg khankix.

⁵ Tak pon bwan son krax taoh mai: krax pa rahsee khaing taix Siyiex heue.

⁶ Kix mawh ceu pui pa sawg ka Siyiex mai pui pa sawg ka plakngai Siyiex Yakop heue.

⁷ Mawh kheu sang hoek Simiang pa ting min plakngai, siviex ting mai siviex khankix eue, paoh heue,

⁸ Simiang pa ting min plakngai mawh mawx? Mawh Cao pa ting sibrawm mai pa ting riang mai mawh Siyiex Cao pa puing naing ka daux sibrawm heue.

⁹ Mawh kheu sang hoek Simiang pa ting min plakngai, siviex ting mai siviex khankix eue, paoh heue,

¹⁰ Simiang pa ting min plakngai mawh mawx? Mawh Siyiex Cao kru naing raoma mai mawh Simiang pa ting min plakngai heue.