YAOGYAW 113 - Wa Common Language Translation

Yaogyaw Ka Bwan Son Siyiex

¹ Yaogyaw heue, siliex Siyiex khankix eue, yaogyaw ka ceu kaux Siyiex awx.

² Kieh ceu kaux Siyiex koe bwanson jah tom yam in mai leeing ju liak.

³ Jah plak lih singaix tom hoek plak klip singaix, mawh pa khaw ti yaogyaw ka ceu kaux Siyiex heue.

⁴ Siyiex pa ting ka piang kawn pui khawmuik mai min plakngai Nawh koe piang raoma heue.

⁵ Pui mawx tak awm Siyiex ex pa ot ka dee lhaong.

⁶ Taing lih tokaux tix sonsang jhak ka kraung khrai piang raoma mai piang haktiex khankix heue.

⁷ Nawh Cao tak yaog ka kix pui pa hot sibhawm ting khaing daux phawng tiex mai yaog kix pui pa cud cha khaing daux phon.

⁸ Tawx dee ot ka kix, tau mai kawn laux kawn Simiang pa giex kaing ka piang pui khankix heue.

⁹ Nawh Cao kieh bun neh pa ang koe kawn ot ka daux nyiex mai deeh kieh keh kawn praix mai koe krax gaux rhawm heue. Haleluya!