ՍԱՂՄՈՍ 87 - Western Armenian Bible 1853

ԵՐՈՒՍԱՂԷՄԸ ՓԱՌՔԻ ՄԷՋ

Կորխի որդիներուն Սաղմոսն ու երգը

¹ Անոր հիմերը սուրբ լեռներուն վրայ են։

² Տէրը Սիօնի դռները Յակոբին բոլոր բնակարաններէն աւելի կըսիրէ։

³ Փառաւոր բաներ կը պատմուին քեզի համար, Ո՛վ Աստուծոյ քաղաքը։ (Սէլա։)

⁴ Ռահաբը ու Բաբելոնը պիտի յիշեմ զիս ճանչցողներուն մէջ՝ ՝, Ահա Փղշտացիներուն երկիրը ու Տիւրոս Քուշի հետ. Ասոնք ալ հոն ծնան։

⁵ Սիօնին համար պիտի ըսուի թէ «Այս մարդը ու այն մարդը հոն ծնաւ» Եւ Բարձրեալը ի՛նք պիտի հաստատէ զանիկա։

⁶ Տէրը ազգերը գրած ժամանակը պիտի ըսէ. «Ասիկա հոն ծնաւ»։ (Սէլա։)

⁷ Ու երգողները նոյնպէս ալ սրնգահարները պիտի ըսեն. «Իմ բոլոր աղբիւրներս քու մէջդ են»։