ՍԱՂՄՈՍ 128 - Western Armenian Bible 1853

ՏԷՐՈՋԸ ՀՆԱԶԱՆԴՈՒԹԵԱՆ ՎԱՐՁԱՏՐՈՒԹԻՒՆԸ

Աստիճաններուն երգը

¹ Երանի՜ այն ամենուն՝ որոնք Տէրոջմէ կը վախնան Ու անոր ճամբաներուն մէջ կը քալեն։

² Վասն զի քու ձեռքիդ աշխատութիւնը պիտի ուտես. Երանի՜ է քեզի ու քեզի լաւ պիտի ըլլայ։

³ Քու կինդ պտղաբեր որթատունկի մը պէս պիտի ըլլայ Քու տունէդ ներս Ու քու որդիներդ ձիթենիի տունկերու պէս պիտի ըլլան Քու սեղանիդ չորս կողմը։

⁴ Ահա Տէրոջմէն վախցող մարդը Այսպէ՛ս պիտի օրհնուի։

⁵ Տէրը քեզ Սիօնէն օրհնէ Ու Երուսաղէմին բարութիւնը տեսնես Քու կեանքիդ բոլոր օրերուն մէջ

⁶ Եւ քու որդիներուդ որդիները տեսնես։ Խաղաղութիւն ըլլայ Իսրայէլի վրայ։