ՍԱՂՄՈՍ 121 - Western Armenian Bible 1853

ՏԷՐԸ ՄԵՐ ՊԱՇՏՊԱՆԸ

Աստիճաններուն երգը

¹ Աչքերս դէպի լեռները պիտի վերցնեմ, Ուրկէ իմ օգնութիւնս պիտի գայ։

² Իմ օգնութիւնս Տէրոջմէն է, Որ երկինքը ու երկիրը ստեղծեց։

³ Անիկա քու ոտքդ պիտի չդողացնէ Ու քու Պահապանդ պիտի չքնանայ։

⁴ Ահա Իսրայէլի Պահապանը Պիտի չմրափէ ու պիտի չքնանայ։

⁵ Տէրը քու պահապանդ է. Տէրը քու աջ ձեռքիդ քով քու հովանիդ է։

⁶ Ցորեկը արեգակը քեզ պիտի չզարնէ, Ո՛չ ալ գիշերը՝ լուսինը։

⁷ Տէրը քեզ ամէն չարէն պիտի պահպանէ, Քու անձդ պիտի պահպանէ։

⁸ Տէրը քու ելլելդ ու մտնելդ պիտի պահպանէ Ասկէ յետոյ մինչեւ յաւիտեան։