ՅՈԲԱՅ 25 - Western Armenian Bible 1853

¹ Բաղդատ Սօքեցին պատասխանեց.

² «Իշխանութիւնն ու վախը անոր քով են, Իր բարձր տեղերուն մէջ խաղաղութիւն կ’ընէ։

³ Անոր գունդերուն համրանքը կա՞յ արդեօք Ու անոր լոյսը որո՞ւ վրայ չի ծագիր։

⁴ Ուրեմն մարդը ի՞նչպէս պիտի արդարանայ Աստուծոյ առջեւ։ Կնոջմէ ծնածը ի՞նչպէս կրնայ մաքուր ըլլալ։

⁵ Ահա լուսինն ալ լոյս չի տար Ու անոր աչքերուն առջեւ աստղերն ալ մաքուր չեն.

⁶ Ալ ո՞ւր կը մնայ մարդը, որ որդ մըն է Ու մարդու որդին՝ որ ճճի մըն է»։