Salmo 95 - Ivatan

Kanta a idaday so Dios

¹ Mangay ta a omdaday so Dios. Makakanta ta do soyot ta do Dios a iya so pachipelan kano kalibrian ta!

² Mangay ta do salapan na a mamahemahes as makakanta no soyot ta a omdaday sia.

³ Takwan iya o makapamarin aya a Dios as Patol a mato kano atavo a anianiven.

⁴ Iya o maynolay do tana aya a aran do maarahem sa a logar kano makarang dana sa tokon.

⁵ Iya o maynolay do taaw aya a inamaog na as aran no tana aya am pinarin na.

⁶ Mangay ta komheb a omdaday sia. Domogod ta do salapan no Dios a minamaog diaten.

⁷ Iya o Dios ta as yaten o tawotawo na a pachonongan na as yaten o karnero na. An madngey nio do sicharaw o tawag dinio no Dios,

⁸ am pangehneten nioava o aktokto nio akma so pinarin da no apoapo nio sa do Meribah as kan do desierto no Massah.

⁹ Ta dawri a logar am nihawahaway da yaken a aran navoya darana o pinarin ko sa dira.

¹⁰ Do apat a poho a ka kawan am rakoh o nakasoli ko nira dawa vinata ko, “Tinadichokoran da yaken as kadi da anohdan dia o panyokoyokoran ko sa.”

¹¹ Do soli ko am vinata ko o, “Masigorado o kaentero da anti a di makasdep do paynehahan aya a niprepara ko dira.”