Salmo 8 - Ivatan

No pakaknikninan no Dios as kano onor no tawo

Salmo ni David.

¹ Apo namen a Dios namen am mavoya do atavo a parte no mondo aya o pakaknikninan mo as makarapit do hanyit o kadaday dimo.

² Yapo dira do kametdehan o mapía dana a idaday dimo. Arava o mapaparin da no omlaban sa dimo as pabhesen mo sa o somobna dimo.

³ An tomangay ako as katidib ko sa do inamaog mo saya, no vohan kano vitohen do pinangayan mo sira,

⁴ ango paro o tawo a dawa mo a manakem kano isanga.

⁵ Amna kayan na ta pinarin mo o tawo a mahohbo kanira no angheles do maynyed a tiempo amna tayto mo na sa tinorohan so anohed kano onor

⁶ do nakatayto mo mapanayahbo so atavo a inamaog mo do ipakapamarin no tawo.

⁷ Sira o karnero kan baka kano madilaw sa vinyay,

⁸ sira pa o manomanok kano among kano atavo sa inamaog do taaw am paynolayan na pa sa ya no tawo.

⁹ Apo namen a Dios namen am mavoya do atavo a parte no mondo aya o pakaknikninan mo!