Salmo 130 - Ivatan

Dasal a mangahes so sidong

¹ Do kaoyod ko na madispresio am machisiasi ako dimo mo Apo.

² Adngeyen mo o katanyis ko a mangahes so kasisien as katbay mo diaken.

³ Ta an akmay mavidin mo a tovidan mo Apo o gatogatos namen am ara paro di kakastigoan?

⁴ Amna mapakabo ka so gatos dawa imo o sincharan as anohdan namen a rakoh so kanib dimo.

⁵ Nawri o pakayapoan no ichasoyot ko a omnanaya so promisa mo sa a kasidong mo diaken as no chirin mo am ichasaray ko.

⁶ Oyod a rakoh o kapanaya ko dimo, O Dios, ta makapachikompara ava ya do kapanaya sia no asa ka gwardia o kapaysehsehdang narana.

⁷ Inio a Israel am ichasaray nio o Dios takwan no Dios o rakoh so addaw kano kasisien as fermi a makey a manlibri.

⁸ Librien na sa anti o atavo a tawo no Israel do atavo a gatogatos da.