Salmo 121 - Ivatan

No Dios a pakayapoan no proteksion

¹ Tangayen ko o katokotokonan saya as kavata ko sia do aktokto ko, “Dino paro o pakayapoan no sidong diaken.”

² Amna no Dios o somidong diaken a iya so minamaog so hanyit kano tana.

³ Kanonolay nava anti mo a madodog, ta makaycheh ava o machonong aya dimo.

⁴ Madoho ava anmana makaycheh ava o omonong do Israel.

⁵ No Dios o gwardia mo a fermi a machitangked a omonong dimo.

⁶ Arava o mapaparin dimo do maraw as kano mahep.

⁷ Pavawahen naymo no Dios do atavo a kadelikadoan mo as kavidin na dimo a pachonongan.

⁸ Pachonongan naymo do kakarokaro kano kapayvidi mo a makayapo sichangoriaw as kano maypangay pa abo so pandan.