Kapisa Jon 1 - Vato Vari Vakameka Voru Ia Batu Ne

¹ Era qa kazigarata na lotu qa karo nigo aro Qaiusi vakitaka velaka era qa lete mamaligara nigo.

² Ke, vakitaka era qa pene go, go osina pata mara zaza velaka lupoe de qo koego, mana mara too velaka tokamamu go. Qa rove zatu too ia madau mu i too vavelaka bana so.

³ Mana qa lete kula sivala ne kakiaro vakitaka ro era vano lotu iri lama miava mana sine nava sauna seko ogoto, mana aro qo lutua to osina nalu zuka na ogoto dena.

⁴ Kaega napu kaki pata i sivala ne go kula era nalu qa gata zatu go ramu salero era qamu lulua go zuka ogoto dena.

Jon Ikula Ne Qaiusi

⁵ Ke, vakitaka era ilete velaka sivala sauna aro qo tavisi ne qira go basoero lotu iri garetu ego de qo koego. Patavolomo aro qoki rove va-velaka qira go kaega.

⁶ Nalu iri lamae go dena iri sine ne qira vano lotu iri koego dena, de igogo tavisi raro de iri koego. Iago ono tavisi ne qira go mara ria lulua zuka ni kula ne go God go tarinara go za go de iri soko go zae na.

⁷ Tanego ria iri zaza ne to zazu ne na zazu ia Kristo, mana iriki pala kaega kaki tavisi de iri koego vano iriki vaogoto go kaega Kristo.

⁸ Iago itora ita vano lotu mata tavisi ne qira basoero dena, go tatana varivatatavisi ne go zazu dena sauna vasadake na seko ogoto dena.

Dioterepesi Mana Demetrimus

⁹ Qa karo bana zatu kameka leta pusi de iri koe vano lotu na komala nae, do Dioterepesi i soko go mara kenaqa ne qira basoero ne igo, iki soko kaega pata qa sine go era.

¹⁰ Nalu tuna garetu, nara garetu vasadake go pataro i zazu ne go Dioterepesi, i poqepoqe mana i sine seko sakata ro de qimu koego remu. Do iki sokana so nae kaega, ia iki soko kaega tavisi ne qira kero ne vakitaka ro iri osaka ne Kristo. Mana iva noto napu qira basoero iri soko go tavisi ne qira go vakitaka ro ita, mana i kakale qirae eklesia ne go.

¹¹ Vakitaka era, oniki lutua vatovato sakata ro nae, do ono lutua vatovato velaka. Basoe igogo nae ne to i basoe iago God, ba basoe i lutua go vatovato sakata iki rove bana to kaega God.

¹² Osina basoero ne iri go Demetrimus dena to i valekē velaka sivala mana seko ogbto dena i vasadaka napu me so pata dena. Mana remu qimu sine vasadaka napua so i valeke velaka, mana ramu qamu rove bana so pata qimu sine go i pata ogoto.

Seko Valupolupona

¹³ Era iko nava topuna pata tuna sine nigo, do qaki soko kaega karo zena leta, qa soko ma garetu mana vapepeu qamu mana osiqita mata vari kulae lupo.

¹⁴ Qa nanao tuna garetu katikili mana ara vapepeu go tanuqu.

¹⁵ Dalo ia Batu ne mara ko tavisi go aro. Vakitaka ro aro iri koego dena iri vagaretua seko kula ria de qo koego aro. Mana ono sine napu ne qira seko kula remu de iri koego vakitaka ro remu iri koego nae.