Zefaniya 2 - Emakhuwa Bible

Ottaruxiwa wa amwiitthana a oYixrayeli

¹ Muthukumane ni mvarexexane, nyuwo muloko woohikhalano muru,

² ehinaaye ophiya ehuhu elakeliwe ni nihuku nno, niviraka ntoko ikokhola, sihinaaye woomorelani isara soowuupa sa Yave, ni nihinaaye woophwanyani nihuku na isara sa Yave.

³ Mmwaase Yave, ootheene nyuwo oowiiyeviha a mulaponi, nyuwosa mumpaka yeeyo Owo olamulenlaawe. Mwaasaase ekhaikhai; mwaasaase wiiyeviha; apaale nyuwosa mmwikhaleno wootthawela vanihukuni na isara sa Yave.

⁴ Gaza onoothaamiwa, ni Axekeloni onooheleya nthala. Axedodi onimwiitthiwa nsuwa vamuru, ni Ekroni onoomalamalihiwa.

⁵ Ii! Nyuwosa munkhala muxerexere ephareiya, muloko wa aKereti; ii! Kanaani, masu a Yave aawiittani, elapo ya aFilisti. Miyo kinimoophwatani ni khaawo anaahale.

⁶ Elapo ya muxerexere ephareiya, ankhalaayawo aKereti, enookhala wookhalawo akukhuli ni nikhoola na ikhondoolo.

⁷ Enookhala ya oohalahala a epuumba ya Yuda. Wu anoophwanyawo moocihamo; ni wiilaka, animwiixaatalela mpaani mwa Axekeloni. Yave, Mulukwaaya, onimwaakosoopa, ni onimwaahokoloxera oreeriwa.

⁸ Kohiiwa oruwana wa aMowabe ni oveiha wa awAmoni, mwa yaawo aruwanne mulokwaaka, enawoopopiherela elapwaaya.

⁹ Tivawo kinlipelaaka mwa okumaaka,’ onghima Yave, a ikuru sootheene, Muluku a oYixrayeli, ‘weera oMowabe onoothatuwa ntoko oSodoma, ni wAmoni ntoko oGomora – nipuro noophipihana malaxi a ntuphini, ni ihime sa maakha, oheleya nthala woohimala. Anoohuhuliwa ni oohalahala a mulokwaaka; oohalahala a mulokwaaka, anookuxa elapwaaya ntoko yoohiyeriwa.

¹⁰ Ti yeeyo eneeraaya yaakhele ntoko ntthuvelo na wiixoonawaya, mwaha wa oruwana ni otthebwa muloko wa Yave, a ikuru sootheene.

¹¹ Yave onookhala oowoopihaaya aaphwataka miluku sootheene sa mulaponi. Miloko sa elapo yootheene sinoomulapa, khula mutthu mulaponimwawe.

¹² “Ii! aKuxe, nyuwosatho munimwiiviwa ni ekatanaaka.”

¹³ Owo onootheteela moono mpatta wa ottuttuwani, aphwateke wAsiriya, ahiyeke oNinive oheleiyeene nthala woomalela, wuumelenleene ntoko nikare.

¹⁴ Sinimwiixaatalelawo mihuwo soohiyanahiyana ni moota wootheene wa axinama a ntuphini. Esiisi ya munikareni ni namame, sinimwiitthaala vasulu wa amarimbwaawe. Okhuwelawaya onimwiiwanyeela muxanelanimwawe. Sinookhala ittuxo mmilakoni, ni iviika sa esidari* sinimooneya.

¹⁵ Ela ti esidade ehimpwattha etthu, ekhalaka yoolipeene, yiixeerelaka: “Ti miyo paahi, khawoworu mukina!” Moota eheleiyaaya nthala! Nikhuku na axinama a ntuphini! Ootheene amviramo, anootthebwa yiipaka makuphi.