Zakariya 4 - Emakhuwa Bible

Moonelo wanaathanu: onyaari ni nyiri sa sooliveira*

¹ Vano ndyelo uuluma ni miyo aakihokoleela, anakivenxa, ntoko omvenxeriwaawe onkona.

² Owo aakikoha: “Munoonani?” Miyo kaamwaakhula: “Kinoona onyaari wa eyuuma yoorikaxa yoolipaxa orino nipoottoronaya na makhura nri vasulu ni soomwaleela ithannapiili ni mipope mithannamiili sinkhaliha vamoha soomwaleela siri vasuluwaya.

³ Saakhalatho nyiri miili sooliveira* mukhwipimwaya, mmoha moono woolopwana wa nipoottoro owo ni mukina woothiyana.”

⁴ Kaamukoha ndyelo uuluma ni miyo: “Pwiiyaaka, entaphulela eheeni yeeyo?”

⁵ Owo aakaakhula: “Nyuwo khamusuwenle?” Vano kaamwaakhula: “Hoye, Pwiiyaka.”

⁶ Owo aakeerela: “Masu a Yave wa Zerubabeli ti ala: ‘Khoohiyono ni ikuru hata ni oweraxa, mene mwa Munepaaka,’ oneera Yave a ikuru sootheene.

⁷ Ii! Nyaako sooweraxa, nyuwosa taani? Ohoolo wa Zerubabeli munoothatawalihiwa. Vano onimwiikaathi nluku noottittimiheyaxa atthu ekhuwelaka: ‘Muluku areelihe nna, Muluku areelihe nna!’”

⁸ Vanonto Yave aahuuluma ni miyo akeerelaka:

⁹ “Mathipelo a Empa ela ya Yave yaaheliwe ni matata a Zerubabeli ni ti yoowo aneera amalihetho empeene yeela. Vano munoosuwela weera Yave a ikuru sootheene ti okiruminghe wa nyuwo.

Etaphulelo ya moonelo wa onyaari ni nyiri sa efiigu*

¹⁰ Yaale yahoonenlemo itthu ikhaanene anoohakalalaxa, yoonaka efiiyu yooringelano mmatatani mwa Zerubabeli. Vano soomwaleela ithannapiili iya ti maitho a Yave angwehaweha elapo yootheene.”

¹¹ Vano kaamukoha ndyelo: “Nyiri miili iya sooliveira* siri moono woolopwana ni woothiyana wa onyaari sintaphulela eheeni?”

¹² Kaamukohatho: “Sintaphulela eheeni iphandi piili iya sa eyuuma yoorikaxa mukerekhere mipope miili sa eyuuma yoorikaxa simvuuviha makhura a eyuuma yoorikaxa?”

¹³ Owo aakaakhula: “Nyuwo khamusuwenle?” Miyo kaamwaakhula: “Hoye, Pwiiyaaka.”

¹⁴ Vano aakeerela: “Iya sinthoonyera asilopwana eeli oothanliwa weera emurumeele Yave a elapo yootheene.”