Yoxuwa 21 - Emakhuwa Bible

Isidade sa aLeevi

¹ Vano, mapwattapwattha a imusi sa aLeevi yaamwattamela musaserdoti* Eleyazari, Yoxuwa, mwaana mulopwana a Nuni, ni mapwattapwattha a imusu sa ipuumba sikina sa aYixrayeli

² oXilo, oKanaani, enaweerela: “Yave aamulamulela Moisesi weera nyuwosa munivahe isidade moomakamo hiyo, ni moocihamo mihuwosahu.”

³ Hiiho, ntoko Yave aalamulenlaawe, aYixrayeli yaahaavaha aLeevi mpatta wa soohiyeriwasaya isidade iya vamoha ni moocihamwaya:

⁴ Yaareereliwe woopacera ti aKehati, nihimo ti nihimo. aLeevi yaari a ekhapira ya musaserdoti* Aharoni, yaahaakhela isidade muloko ni tthaaru sa ipuumba sa Yuda, Simeyoni ni Benyamini.

⁵ Ikhapira sikina sa Kehati saahaakhela isidade muloko sikina sa mahimo a ipuumba sa Efrayimi, Dani ni eriyari ya epuumba ya Manaxe.

⁶ Ekhapira ya Gerexono yaahaakhela isidade muloko ni tthaaru sa mahimo a ipuumba sa Isakari, Axeri, Nafitali ni eriyari ya epuumba ya Manaxe yiitekihale oBaxani.

⁷ Ekhapira ya Merira, nihimo ti nihimo, yaahaakhela isidade muloko ni piili sa ipuumba sa Rubeni, Gadi ni Zebuloni.

⁸ Mooteene yoowo aYixrayeli yaavahansaaya aLeevi isidadesene seiye vamoha ni moocihamo, ntoko Yave aalamulenlaawe mwa Moisesi.

⁹ Isidade sinttharelana soovahiwa ni ipuumba sa Yuda ni Simeyoni.

¹⁰ (Vano saavahiwa ekhapira ya Aharoni yaari ya mahimo a aKehati variyari wa aLeevi, niwoko awo yaari oopacera oreereliwa):

¹¹ Yaavahiwa oKiriyati Arba (eyo tiiyo oHeberoni) vamoha ni moocihamwayamo, mmanyaakoni sa oYuda. Vano Arba aari nikholo na Enaki.

¹² Wa soothesene, imatta ni mittetthe saarukureenre esidade aavahiwe Kalebi, mwaana mulopwana a Yefune, ntoko sawawe.

¹³ Yaavaha ekhapira ya musaserdoti* Aharoni, oHeberoni (esidade yootthawelamo oowootherasiwa wiiva), oLibena,

¹⁴ oYatiri, wExetemowa,

¹⁵ oHoloni, oDebiri,

¹⁶ wAyini, oYuta, oBeti-Xemexi vamoha ni moocihamwayamo. Saari isidade ithanniixexe saavahiwe ipuumba piili iya.

¹⁷ Epuumba ya Benyamini yaahaavaha aLeevi oGibiyoni, oGeba,

¹⁸ wAnatoti ni wAlemoni vamoha ni moocihamwayamo. Saari isidade ixexe.

¹⁹ Isidade sootheene yaavahiwe asaserdoti*, ekhapira ya Aharoni, saari muloko ni tthaaru vamoha ni moocihamwayamo.

²⁰ Mahimo makina a aKehati ari aLeevi yaahaakhela isidade sikina sa epuumba ya Efrayimi:

²¹ Mmanyaakoni sa Efrayimi yaahaakhela oXekhemi (esidade yootthawelamo oowootherasiwa wiiva), oGezeri,

²² oKibizayimi ni oBeti-Horoni vamoha ni moocihamwayamo. Saari isidade ixexe.

²³ Yaahaakhelatho wa epuumba ya Dani wEleteke, oGibetoni,

²⁴ wAyaloni ni oGati-Rimoni, vamoha ni moocihamwayamo. Saari isidade ixexe.

²⁵ Yaahaakhela wa eriyari ya epuumba ya Manaxe oTanaki ni oGati-Rimoni, vamoha ni moocihamwayamo. Saari isidade piili.

²⁶ Isidade muloko sootheene iya ni moocihamwayamo yaavahiwa mahimo makina a aKehati.

²⁷ Mahimo a aGerexoni a aLeevi yaahaakhela wa eriyari ya epuumba ya Manaxe isidade iya: oGolani oBaxani (esidade yootthawelamo oowootherasiwa wiiva) ni oBeyexetera vamoha ni moocihamwayamo. Saari isidade piili.

²⁸ Yaahaakhela wa epuumba ya Isakari oKixeyoni, oBaderati,

²⁹ oYaremuti ni wEni-Ganimi, vamoha ni moocihamwayamo. Saari isidade ixexe.

³⁰ Yaahaakhela wa epuumba ya Axeri oMixali, wAbedoni,

³¹ oHelekati ni oRehobi, vamoha ni moocihamwayamo. Saari isidade ixexe.

³² Yaahaakhela wa epuumba ya Nafitali oKedexi oGalileya (esidade yootthawelamo oowootherasiwa wiiva), oHamoti-Dori, ni oKaretani, vamoha ni moocihamwayamo. Saari isidade tthaaru.

³³ Isidade sootheene sa aGerexoni, nihimo ti nihimo, saari muloko ni tthaaru, vamoha ni moocihamwayamo.

³⁴ Vano yaawo a aLeevi yaahanle yaari mahimo a aMerari. Yaahaakhela isidade iya: Wa epuumba ya Zebuloni oYokeneyami, oKareta,

³⁵ oDimena, oNahalali, vamoha ni moocihamwayamo. Saari isidade ixexe.

³⁶ Yaahaakhela wa epuumba ya Rubeni oBezeri, oYahazi,

³⁷ oKedemoti, oMefahati, vamoha ni moocihamwayamo. Saari isidade ixexe.

³⁸ Yaahaakhela wa epuumba ya Gadi eri oRamoti oGiliyade (esidade yootthawelamo oowootherasiwa wiiva), oManahayimi,

³⁹ oHexeboni ni oYazeri, vamoha ni moocihamwayamo. Saari isidade ixexe.

⁴⁰ Isidade sootheene yaavahiwe mahimo a aMerari, yaari yaawosa yaahanle a aLeevi, saari muloko ni piili.

⁴¹ Isidade sa aLeevi mweelaponi yaawiniwe ni aYixrayeli opwexerera saari miloko mixexe niithannatthaaru, vamoha ni moocihamwayamo.

⁴² Khula esidade ya seiye yaakhalano moocihamwayamo.

⁴³ Hiiho Yave aahaavaha aYixrayeli elapo yootheene aaroromelinghaawe ni nlipelo makholowaaya ni awosa yaakuxasa, eniitekihasa.

⁴⁴ Yave aahaavahasa wiitthuuwa wa mipatta sootheene, ntoko aaroromelinghaawe ni nlipelo makholowaaya. Khaawo a amwiittanaaya aawera waawanano, niwoko Yave aawinnyerera ootheenaawo mmatatanimwaya.

⁴⁵ Kheewo ya soororomeliha sooreera sootheene sa Yave wa muloko wa aYixrayeli ohiyanyihenraawe; sootheene sookwaniheriwa.