Yoxuwa 13 - Emakhuwa Bible

Mipatta sa oKanaani soohiwiniwa

¹ Yoxuwa uuluvalanxeene Yave aamweerela: “Nyuwo mohuuluvalaxa ni soohala nlelo ilapo sincipale weera siwiniwe.

² Mipatta sihanle ti iya: Ilapo sootheene sa aFilisti ni sa aGexuri:

³ Okhuma mooloko Xihori, mpatta ninkela nsuwa wa wExipitu, mpaka elapo ya wEkeroni, ottuttuwani – elapo yootheene eyo ti ya aKanaani. Vano entakanseriwa elapo ya anamalamula athanu a aFilisti a oGaza, wAxidoti, wAxekeloni, oGati ni wEkeroni, nitho elapo ya wAwi.

⁴ Soohalatho okhuma ohitto mipatta sikina sa aKanaani okhuma wAra wa aZidoni mpaka wAfeki, mwiinano wa awAmori,

⁵ elapo ya aGibeli ni elapo yootheene ya oLibanu mpatta ninkela nsuwa wa oBahali-Gadi, vathi wa mwaako Heremoni mpaka oLebo-Hamati.

⁶ Vano wa ootheene amanke mmanyaakoni okhuma oLibanu mpaka oMiserefoti-Mayimi, eyo tiiyo aZidoni ootheene, Miyo muneenaaka kinoowoomola ohoolo wa aYixrayeli. Ontthuneya nyuwo waakawela aYixrayeli elapo eyo ntoko yoohiyeriwa, keenre Miyo koolamulelakani.

⁷ Vanonto, mwakawele eyo ipuumba ithanniixexe ni eriyari ya epuumba ya Manaxe.

Okawanyeya wa ilapo sa mpatta ninkhuma nsuwa wa oYordanu

⁸ Mpatta mukina wa aManaxe, vamoha ni aRubeni, aGadi yaahaakhela yoohiyeriwaaya mpatta ninkhuma nsuwa wa oYordanu, ntoko Moisesi, murumeiyi a Yave, aathanlalaawe.

⁹ Vano elapo ele enkhuma wAroweri mukerekhere wa vareyareyani wa wArenoni ni muttetthe eriyari ya vareyareyani vamoha ni vareyariyani wootheene wa oMadeba, mpaka oDiboni,

¹⁰ ni mittetthe sootheene sa Sihoni, mwene a awAmori aalamula oHexeboni, mpaka mwiinano wa awAmoni.

¹¹ Entakanseriwatho ni elapo ya oGiliyade, elapo ya aGexuri ni aMahaakati, mwaako wootheene wa oHeremoni ni elapo yootheene ya oBaxani mpaka oSaleka,

¹² eyo tiiyo omwene wootheene wa Ogi, oBaxani, aalamulaawe wAsterote ni wEdereyi aari mmoha a ookisera a aRefayimi yaahanle ni okumi. Moisesi aahaawina, anakuxa ilaposaya.

¹³ Wa soothesene, aYixrayeli khayaawoomonle aGexuri ni aMahaakati, mwa yaawo ankhala variyari wa aYixrayeli mpaka olelo.’

¹⁴ Vanonto epuumba ya aLeevi khayaahiyenre etthu woonaka weera sooveleela soohisa soopakeliwa Yave, Muluku a aYixrayeli, ti yoohiyeriwaaya, ntoko aaleenlaawe.

¹⁵ Moisesi aavaha epuumba ya aRubeni mipatta iya sa elapo (nihimo ti nihimo):

¹⁶ Okhuma elapo ya wAroweri, mukerekhere wa vareyareyani wa wArenoni ni muttetthe eriyari ya vareyareyani, vamoha ni vareyariyani wootheene opwahaka oMadeba,

¹⁷ mpaka oHexeboni ni mittetthesaya sootheene sa muttuttuwani otakanseriwaka oDiboni, oBamoti-Bahali, oBeti-Bahal-Meyoni,

¹⁸ oYahazi, oKedemoti, oMefahati,

¹⁹ oKiriyatayimi, oSibema, oZereti-Xahari vanttumuxani na vareyariyani,

²⁰ oBeti-Peyori, onkumanela ni oPisega ni oBeti-Yeximoti –

²¹ isidade sootheene sa muttuttuwani ni omwene wootheene wa Sihoni, mwene a awAmori aalamula oHexeboni. Moisesi aangwina nitho asitokweene aMidiyani: Evi, Rekemi, Zuri, Huri, ni Reba. Awosa yaari asitokweene yaakhala mweelaponi ele ni yaamukhavihera Sihoni.

²² Waahiya yaawo yaakhwiiye okhottoni, aYixrayeli yaamwiivatho Bileyami, mwaana mulopwana a Beyori, mwa yoowo aahera ihako.

²³ Vano mwiinano wa aRubeni waari mukerekhere Yordanu. Isidade ni mittetthe iye saari yoohiyeriwa ya aRubeni, nihimo ti nihimo.

²⁴ Moisesi aavaha epuumba ya aGadi ilapo iya (nihimo ti nihimo):

²⁵ Elapo ya oYazeri, mittetthe sootheene sa oGiliyade ni eriyari ya elapo ya awAmoni mpaka wAroweri vakhiviru wa oRaba.

²⁶ Yaakhumme oHexeboni mpaka oRamati-Mizepe ni oBetonimi ni okhuma oMahanayimi mpaka elapo ya oDebiri.

²⁷ Vano vareyareyani wa Yordanu waatakanserana oBeti-Harami, oBeti-Nimera, oSukota ni Zafoni, vamoha ni yeeyo yaahanle ya omwene wa Sihoni, mwene a oHexeboni. Yaakumanela muxerexere Yordanu mpaka ephareiya ya oKineroti.

²⁸ Isidade ni mittetthe iye saari yoohiyeriwa ya aGadi, nihimo ti nihimo.

²⁹ Moisesi aavaha eriyari ya epuumba ya aManaxe (eyo tiiyo eriyari ya ekhapira ya Manaxe) ilapo iya (nihimo ti nihimo):

³⁰ Elapwaaya yaakhuumme oMahanayimi etakanseranaka ni elapo yootheene ya oBaxani, omwene wootheene wa Ogi, mwene a oBaxani, ni mittetthe sootheene sa oYahiri oBaxani – mittetthe miloko mithannamosa.

³¹ Yaatakanseranatho eriyari ya oGiliyade ni wAxetarote ni wEdereyi – isidade sa omwene wa Ogi oBaxani. Iye saari mipatta sa elapo saakhaliheriwe eriyari ya ekhapira ya Makiri, mwaana mulopwana a Manaxe, nihimo ti nihimo.

³² Moisesi aavaha yoohiyeriwa ele aaraawe vareyareyani wa oMowabe okhopela Yordanu, mpatta nikhuma nsuwa wa oYeriko.

³³ Wa soothesene, epuumba ya aLeevi Moisesi khaavangheru yoohiyeriwa woonaka weera Yave, Muluku a aYixrayeli, ti yoohiyeriwaaya, ntoko aaleenlaawe.