Yoxuwa 12 - Emakhuwa Bible

Mamwene oowiniwa ni Moisesi.

¹ Vano, mamwene yaawinnaaya aYixrayeli, ilaposaya sikuxiwaka mpatta ninkhuma nsuwa wa oYordanu, okhuma vareyaryani wa Arenoni mpaka mwaako Heremoni, otakansa mpatta wootheene ninkhuma nsuwa wa wAraba, ti ala:

² Sihoni, mwene a awAmori aalamula oHexeboni. Owo aalamula okhuma wAroweri mukerekhere wa vareyareyani wa wArenoni mpaka mooloko Yaboke ori mwiinano wa awAmoni, elapo eyo yaatakanseya mpatta wa oGiliyade.

³ Aalamulatho mpatta ninkhuma nsuwa wa wAraba, okhuma ephareiya ya oKineroti mpaka ephareiya ya wAraba (eri Ephareiya ya Maakha), oBeti-Yeximoti ni mpaka mpatta wa ohitto mukerekhere mwaako Pisega.

⁴ Aakuxatho elapo ya Ogi, mwene a oBaxani, mmoha oomalihera a aRefayimi aalamula wAsterote ni wEdereyi.

⁵ Ogi aalamula mwaako Heremoni, oSaleka, elapo yootheene ya oBaxani mpaka omwiinanoni wa aGexuri ni aMahaakati, ni mpatta wa oGiliyade, mpakatho omwiinanoni wa Sihoni, mwene a oHexeboni.

⁶ Moisesi, murumeiyi a Yave vamoha ni aYixrayeli aahaawina. Vano Moisesi, murumeiyi a Yave, aahaavaha ilaposaya aRubeni, aGadi ni eriyari ya aManaxe weera ephwanye ntoko yawaya.

⁷ Yoxuwa ni aYixrayeli yaahaawina mamwene a elapo ya mpatta ninkela nsuwa wa Yordanu, okhuma oBahali-Gadi, vareyariyani wa oLibanu mpaka mwaako Halaki mpatta wa oSeyiri. Yoxuwa aakawa ilaposene seiye avahaka ipuumba sa aYixrayeli ntoko yoohiyeriwa.

⁸ Ilapo seiye saatakansana elapo ya nyaako, elapo ya vathi wa nyaako, wAraba, mmattumuxani, munikareni, ni oNegeba siri ilapo sa aHiti, awAmori, aKanaani, aPerizi, aHivi ni aYebusi. Vano mamweneene yaawo yaari ti ala:

⁹ Mwene a oYeriko, mwene a wAi (vakhiviru wa oBeteli),

¹⁰ mwene a oYerusaleemu, mwene a oHeberoni,

¹¹ mwene a oYaremuti, mwene a oLakixi,

¹² mwene a wEgeloni, mwene a oGezeri,

¹³ mwene a oDebiri, mwene a oGederi,

¹⁴ mwene a oHarema, mwene a wAradi,

¹⁵ mwene a oLibena, mwene a wAdulami,

¹⁶ mwene a oMakeda, mwene a oBeteli,

¹⁷ mwene a oTapuwa, mwene a oHeferi,

¹⁸ mwene a wAfeki, mwene a oLaxaroni,

¹⁹ mwene a oMadoni, mwene a oHazori,

²⁰ mwene a oXimeroni-Meroni, mwene a wAkexafi,

²¹ mwene a oTahanakhi, mwene a oMegidu,

²² mwene a oKedexi, mwene a oYokeneyami waattamela oKaremeli,

²³ mwene a oDori (oNafoti-Dori), mwene a oGoyimi, waattamela oGiligali ni

²⁴ mwene a oTireza, ootheenaawo yaari mamwene miloko miraru ni mmoha.