Yohaane 19 - Emakhuwa Bible

Yeesu onthoriheliwa othomeiwa

¹ Pilatu aamukuxa Yeesu ni aahaalamulela weera engwaxule.

² Anakhotto yaatthava ecireemba ya nyiiwa ni yaangwariha mmurumwawe. Yaangwariha mukaandyo wooxeera

³ ni emwaattamelaka Yoowo yaamweerela: “Salaama, Mwene a aYuda!” Yannammana owiitho.

⁴ Emaara ekinatho Pilatu aavenya arowaka wa aYuda ni aaweerela: “Mmoone, miyo kinooruuhelani Yoowo weera musuwele weera miyo nkinoona hata nthowa nimoha na omoothera Yoowo.”

⁵ Yeesu akhumelaka vaate awanreene ecireemba ya nyiiwa ni mukaandyo wooxeera, Pilatu aaweerela: “Mmoone, Mutthu Ola.”

⁶ Emoonaka ahooleli a asaserdoti* ni anamalipelela, yaakhuwela: “Munkhomele, munkhomele!” Pilatutho aawaakhula: “Nyuwo munkuxeke ni munkhomele! Wa miyo, nkimphwanya nthowa na omoothera Yoowo.”

⁷ aYuda yaanyeserera: “Nookhalano nlamulo ni nlamulo nna ninnyeserera weera Owo akhwe niwoko aahiixeerela: ‘Mwaana a Muluku.’”

⁸ Iiwaka hiiho, Pilatu aatepa woova

⁹ ni aavolowatho mpaani etokotoko. Vano aamukoha Yeesu: “Nyuwo munkhumelela woowi?” Mene Yeesu khaamwaakhunle.

¹⁰ Pilatu aamweerela: “Nyuwo munkhootta wuuluma ni miyo? Khamusuwenle weera kookhalano ikuru soowootaphulani, hoye hoye soowookhomelani?”

¹¹ Yeesu aamwaakhula: “Nyuwo khamwaakhalano hata vakhaani ikuru ni Miyo mwahaavahiwe ikuru iyo wa wiirimu. Tivawo yoole okivaherenre wa nyuwo ookhalano nthowa na yoottheka yoowoopwahani nyuwo.”

¹² Evenyero vaavaale Pilatu aatthuna omtaphula Yeesu, mene aYuda yannakhuwela: “Mwamutaphula Mulopwana Ola, khamuhiyono nthamwenaawe Seesari. Yoowo oniixeerela Mwene, ori mwiittana a Seesari.”

¹³ Iiwalaawe yeeyo, Pilatu aamukhumihera Yeesu vaate ni aakilaathi vahiceni ya othoriha, vanipuroni noosuwanyeya ntoko ‘noothatiwa maluku’ ni niitthaniwa vaHeberi ‘Gabata.’

¹⁴ Naari nihuku na oreherera wa esimana ya mPaska* niphiyeraka nsuwa vamuru. Pilatu aaweerela aYuda: “Mmoone, Mwenaanyu!”

¹⁵ Vano awosa yannakhuwela: “Mmwiive, mmwiive, munkhomele!” Pilatu aahaakoha: “Kinkhomeleke mwenaanyu?” Ahooleli a asaserdoti* yaamwaakhula: “Khaninono mwene, ahikhanle Seesari.”

¹⁶ Ommaleloni Pilatu aahaavaherera Yeesu weera emukhomele. Vano anakhotto yaamukuxa Yeesu.

Okhomeliwa

¹⁷ Athatelaka muttandaawe Owo aarowa vanipuroni niitthaniwa Nikarakasa (nneeriwa vaHeberi Gologota).

¹⁸ Vaavaale yaamukhomela ni vamoha ni Yoowo eeli akina, mmoha moono mulopwana, mukina muthiyana, ni Yeesu eriyari.

¹⁹ Pilatu aarumiha oreherera etthaabwa ekhaaneene weera eheliwe vasulu wa muttanda ni yoolempwa ela: “YEESU A ONASARETE, MWENE A AYUDA.”

²⁰ aYuda ancipale yaasoma yoolempwa ele neenre nipuro aakhomeliwaawe Yeesu nakhalaka vakhiviru wa esidade ni yoolempwa yaalempwale ni vaHeberi, vaRooma ni vaGrego.

²¹ Ahooleli a asaserdoti* a aYuda yaamvaanyiha Pilatu yeeraka: “Muhilepe ‘Mwene a aYuda,’ mene weera Mulopwana Ola iixeerela ‘Mwene a aYuda.’”

²² Pilatu aawaakhula: “Yeeyo kilempaaka, koolepa.”

²³ Emukhomelaka Yeesu, anakhotto yaakuxa ikuwosawe ni yaakawana mipatta mixexe, mpatta mmoha wa khula mutthu. Yaakuxatho mukaandyo. Ole waari woohittotthiwa, waamalela otthaviwa okhuma vasulu mpaka vathi ni ekuwo emoha paahi.

²⁴ Awo yaaheerelana: “Nihaahule. Nrowe nipake macitta weera nimoone mutthu taani onrowa ovahiwa.” Eyo yeereenle weera ekwaniheriwe yoolempwa eneera: ‘Yaakawana ikuwosaka yaaworu ni yaapakela macitta wa soowarasaka.’ Eyo anakhotto ti yaapanke.

²⁵ Vakhiviru wa muttanda wa Yeesu yaari amayawe, munnaya, Mariya mwaariye Keloopa ni Mariya oMagadalene.

²⁶ Awoonaka Yeesu amayawe vaavaale ni vakhiviruwaya oohusera aamusivelaawe, aaweerela amayawe: “Mwaninyu ori vawo”

²⁷ ni wa oohusera: “Ari vawo amayinyu.” Evenyero vaavaale, oohusera ole aawaakhela owannyawe.

Okhwa wa Yeesu

²⁸ Vahoolowaya, asuwelaka weera sootheene saamaliheriwa ni weera ekwaniheriwe Yoolempwa*, Yeesu aaheera: “Okivola ntthona.”

²⁹ Waakhala vaavaale mwaapu woosareya eviinyu yoonyuunya. Vano yaaruweya nttapwatta mwemmo, enatthukelela okhwipi wa mutathi wa hisopo* enamuronghela mpaka owanoniwawe.

³⁰ Awurakaru, Yeesu aaheera: “Sookwaniheriwa.” Wa yeeyo, ahuuramiha muru ni aaveleela munepaawe.

³¹ Nne naari nihuku nooreherera ni oxaawaya waarowa okhala eSaabadu, nihuku nimoha noottittimiheyaxa. aYuda khayaatthuna weera mittembo sikhale vamittandani eSaabadu. Tivawo, yaamvekenlaaya Pilatu weera aalamulele anakhotto owiintaka nyettosaya ni sivenxiwe mittembo vamittandani.

³² Yaahoowa anakhotto ni yaahiintaka nyetto sa mulopwana oopacera aakhomeliwe ni Yeesu ni vahoolowaya sa mukinatho.

³³ Ephiyakarutho wa Yeesu ni yoonaka weera aahookhwa, awo khayiintanke nyettosawe.

³⁴ Ohiya yeeyo, nakhotto mmoha aamuhoma mpararinimwawe ni nivakanawe ni woowaakuveya yaakhuma ephome ni maahi.

³⁵ Yoole oonne yeeyo, aakhalela onamoona ni onamoonaawe ti wa ekhaikhai. Owo onsuwela weera onghima ya ekhaihai ni onkhalela onamoona weera nyuwotho muroromele.

³⁶ Itthu iye seereenle weera ekwaniheriwe Yoolempwa*: “Khaniwowo naari nikhuvanawe nimoha nneera nintakiwe.”

³⁷ Ni ntoko ehimmaaya Yoolempwa* nipuro nikina: “Awo eniimoone Yoole yaamuhommaaya.”

Ovithiwa wa Yeesu

³⁸ Vahoolowaya Yoseefe a wAramiteiya aamvekela Pilatu muttembo wa Yeesu. Yoseefe aari oohusera a Yeesu, mene a muxiirini niwoko aangwoova aYuda. Aahoowa ni etthunihero ya Pilatu, anakuxa muttembo, anarowano.

³⁹ Owo aahooliwa ni Nikodemu, yoole aamuxekunre Yeesu ohiyu. Nikodemu aakuxa sookwanaka ikiilu* miloko miraru niixexe sa makhura ootakanseriwa emira* ni alowe*.

⁴⁰ Ekuxaka muttembo wa Yeesu, ooweeli yaavitikelela esaanda ettikitthelaka makhura oowunkhelaxa ntoko yaaraaya ekhovelelowaaya ya mariro a aYuda.

⁴¹ Vanipuroni aathomeiwaawe Yeesu naakhala nttimbe ni munttimbeni mmwe naakhalatho nikhuku nnyowani weiwo ahaatonkwaawe ovithiwaawo mutthu.

⁴² Woonaka weera naari nihuku nooreherera wa aYuda ni weera nikhuku naari vakhiviru, yaamvitha mwemmo.