Yobi 41 - Emakhuwa Bible

¹ Nyuwo munoowera ongwarula Levitiyani* ni nimeso hoye hoye otthuka nluminawe ni mukhoyi?

² Munoowera ongweyiha mukhoyi mphulanimwawe hoye hoye omuhomano ittwattwara eyuuma yoopakiwa nimesonene?

³ Nyuwo munuupuwela weera owo onimoodyoonttelelani ikharari ni owuulumelani masu oosiveleya?

⁴ Munuupuwela weera owo onoowiiraananani, weera mumpake epottha mookuminimwawe wootheene ohanle?

⁵ Weeraka nyuwo munoowera ompaka yoowo muhuwo, ntoko mwaapalame, hoye hoye ongwariha onyooro weera mwaavahe anamwaniinyu asithiyana?

⁶ Ananakoso anoowera othumiha hoye hoye anookawana eriyari ya anamaronda?

⁷ Nyuwo munoowera ohoma exapalaawe ni mavaka hoye hoye muruwaawe ni momba woomeserelano?

⁸ Mwamwiikaatheraru ntata, munimuupuwelela ekhotto entthara ni khamurwa mpakatho yeeyo.

⁹ Wakhalaru oweherera omvara yoowo khomvareleya muteko! Omoonaru paahi ti woowoopihaxa.

¹⁰ Khaawo ongweraru olipa murima weera amutannye. Vano hiiho, taani anaawere okiwanano Miyo?

¹¹ Taani opacenre okivaha etthu, weera kimuhokoloxere? Sootheene siri vathi, ti sawaka.

¹² Miyo nkihiyerera wuuluma sa mpatta wa erutthwaawe, ikurusawe ni ekhalelowaawe yooreera.

¹³ Taani anaawere omurula yoowaraawe ya omokoni? Taani anaawere ophutula exapalaawe ya mwiitti?

¹⁴ Taani otonke waathamiha milako sa eyanowaawe yooriciwa ni maino oowoopiha?

¹⁵ Mmakhatanimwawe, aakhala makamba a exikudu* elipaleene nnenesene;

¹⁶ khula nikamba naattamanne ni nikhwaaya moota wooweera ehimviraayaru epheyo.

¹⁷ Awo aaphitaanaxa moota ahingwereyaaya omwalamwaxa.

¹⁸ Wuupa wa iphumusawe onkhumiha imangani; maithwaawe ari ntoko ekamaama ya oxa.

¹⁹ Mmwaanomwawe sinkhuma mithuko; mmo onttettheruwa mooro.

²⁰ Mphulanimwawe ontthuwa mwiixi ntoko esupuriya eviluwaka muthukoni.

²¹ Iphumusawe simpattiha makhala, ni mmwaanomwawe ankhuma malumi a mooro.

²² Ikuru sincipale siri muxikomwawe ni woopiha onoomuhoola.

²³ Otikana wa ethayaawe ori woovaraana; ori woolipaxa ohingwereyaaya wiinaina.

²⁴ Ehocaawe ti yoolipaxa ntoko nluku, aani ntoko nxilo.

²⁵ Owo eemelaka, aweri anootondolowa; antthawa yoovaka oruma wa mikhittosawe.

²⁶ Ekatana enimphiyera kheengwera omukakattha, hata nivaka, naari muupa, mano ephutulo.

²⁷ Eyuuma onoonela ntoko okhala ekokhola, ni ebronze* ntoko etthaabwa yoowuntta.

²⁸ Nyuupa khasimmoomola; wa yoowo maluku a ekhwambala ari ntoko malaxi.

²⁹ Ekopo enimukhalela ntoko etiili, ontheya oruma wa nivaka.

³⁰ Waamirimawawe onlikana mavali oowiitha; owo oniipurulela muttokoni akhurulaka.

³¹ Owo onkaphuliha moowiixera ntoko esupuriya, ontannya ephareiya ntoko nipoottoro nooheliwa yoowiixoottihera.

³² Onghiya ottuliwawe mphito wooceremela, onoowereya wuupuwela weera moowiixera wookhalano ipwi.

³³ Kheewo ya mulaponi enlikana ni yoowo; eyo ti yoopattuxiwa yoohoova.

³⁴ Owo ongweha soowiikuxerera sootheene; ti mwene a oowiixoona ootheene.”