Yobi 34 - Emakhuwa Bible

Elihu onlaleiya ntorihelo na Muluku

¹ Elihu aapwaherera wuuluma:

² “Nyuwosa muri asuweli, mwiiwe maswaaka; nyuwosa murino esuwelo, mukiwiriyane.

³ Vano maaru ankawanyiha masu ntoko nlumi nnoonaaya masivelo a yooca.

⁴ Nireherere othanla vamoha yeeyo eri yoowookoleleya nixuttaka yeeyo eri yooreera.

⁵ Yobi oneera: ‘Nkinono nthowa, vaheera Muluku onkikhoottela ekhaikhai.

⁶ Kirookhalaru oowookoleleyeene, kinooneliwa onamootha; kiroohikhalanaru nthowa, muupaawe onkivulaliha nikhwatta noohivola.’

⁷ Mulopwana heeni ori ntoko Yobi, ongwura matthebwa ntoko maahi?

⁸ Owo ti nthamwene a yaawo ampaka yoonanara, ni oneetta ni atakhali.

⁹ Vano oneera: ‘Kheengwineleya etthu owo eereraka waakhuleliwa ni Muluku.’

¹⁰ Tivawo, mukiwiriyane, nyuwosa murino esuwelo. Muluku khampakaru yoonanara, aani Muluku a ikuru sootheene khampakaru yootakhala.

¹¹ Owo onimutthuvela mutthu attharihaka yeeyo opankaawe, ni onimvaha yeeyo emphwanela mweettelowaawe.

¹² Ohuupuweliweru weera Muluku apake yoonanara, weera Mukuku a ikuru sootheene avirikanyihe ekhaikhai.

¹³ Taani amuthanlale olamula elapo? Taani amukhalinghe Namakosoopa a elapo ya vathi yootheene?

¹⁴ Waari otthunawawe ohokoloxera wa Yoowo Munepaawe ni iphumusawe,

¹⁵ omutthu wootheene waamuriheya khuluwi, ni mutthu aamuhokoleela vantthupini.

¹⁶ Tivawo, nyuwo mwaarino wiiwexexa, mukiiwe, ngwiriyane yeeyo kinooleelaakani.

¹⁷ Weeraka yoowo onthanya ekhaikhai onoowera olamula? Nyuwo munoowera omuthoriha Yoowo ori oororomeleya ni ooweraxa?

¹⁸ Khahiyono Yoowo ongweerela mamwene: ‘Nyuwosa khamunooneleyamo,’ ni wa maneethi: ‘Nyuwosa muri atakhali’?

¹⁹ Owo khanoonihera nthalu aweerelaka anamwane a mamwene, ni khanimpakela mpatta thadyiri amunyoosaka oohaawa yeenre ootheene epakiwa ni matataawe.

²⁰ Awosa ankhwa ehuhu emoharu, wiilaxiyeene atthu amveveleya, enavira. Oowera amvenxiwa ehivareliwaka ni matata a atthu.

²¹ Vano Muluku onoona iphiro sa atthu; Owo oningwehaweha mukhwipimwawe khula mutthu ni malipaawe.

²² Khoowowo munttuusi wooriipihanaxa woomalela weera yiipithemo yaawo ampaka yoonanara.

²³ Wa Muluku khoontthuneya ehuhu yincipale weera aaphime atthu ni aaronghe vamaithoniwawe weera aathorihe.

²⁴ Owo onaaphwata aweri anaahela akina vanipuroniwayasa, ohitthuneyaka waasaasera.

²⁵ Eenre Owo awehaka miteko amvaraaya, onaaphwata moohiyuni, enattikittheya.

²⁶ Owo onaattaruxela vamaithoni wa atthu ootheene niwoko na otakhalawaya.

²⁷ Yeeyo eneereela omuhiyawaya Muluku, ehipwatthelaka iphirosawe.

²⁸ Aamwiiwiha okhuwela wa oohaawa ophiye ohoolowawe. Muluku ohiiwa okhuwela wa oothoiwa.

²⁹ Vaheera Owo apwaherera omaala, taani anaamuthorihe? Iipithiha ekhove, taani eniiwere omoona? Vanonto, Owo onaalamula atthu ni miloko moota mmohamoharu yoowo,

³⁰ aasembihaka atakhali weera ehilamule ni ehireele miraakho muloko.

³¹ Noone, mulopwana mmoha amweerela Muluku: ‘Kookhalano nthowa, mene nkirwa kitthekatho.

³² Mukixuttihere yeeyo miyo kihinoonaaka; kaaheentte nnene, nkeeratho hiiho.

³³ Vaheera wa nyuwo – Muluku aamootthuvelani, nyuwo muhaakhulelaka nthowananyu? Ti nyuwo muntthuneya olakela, nkihiyono miyo; vano, mukithalihere yeeyo nyuwo musuwenlaanyu.

³⁴ Atthu a miruku sooreera anghima; asuweli ankiiwa ankeerela:

³⁵ ‘Yobi khasuwenle onghimaawe; khasimomo iseru mmasunimwawe.

³⁶ Yobi oophwanela wootiwa murima mpaka ommaleloni niwoko na soowaakhulasawe sootakhala!

³⁷ Wa yootthekaawe owo onaandyeerera ovaanya; moonyoosani oniipa makuphi eriyaaraahu ni onaandyeera maswaawe ahiniiwanana ni Muluku.’”