Yobi 30 - Emakhuwa Bible

¹ Vaheera vano ankitthebwa miyo – asilopwana asikhaani oohikilikanano, mwa yaawo asitithaya kaaramusaaka, kihaatthuniherakaru okhala ni alapwa anlipelela muhuwo.

² Yaahikivarele muteko heeni seenre saamalela ikurusaya?

³ Ekotakonteene mwaha wa etala ni othoiwa, waatthuneya oca ni ohiyu etthaya yoowuuma mwa yeeyo yaari mmathalani;

⁴ yaaphoota malaxi mmaphuwani ni mikwankhwaari sa ezimbera* weera ekhuure.

⁵ Yaahoomolasiwa mwa asinthamwenaaya, okhuweleliwa ntoko anamwiiya.

⁶ Waatthuneya okhala muttikirikani, munyattani ni mmakhukuni.

⁷ Yaatturuma eriyari ya maphuwa ethukumanaka mutorosoni.

⁸ Ekhapira yoonyooseya ni yoohihimeya, yaahoomolasiwa mulaponi.

⁹ Vano anamwanaaya ankitthebwa miyo ni iciposaya; koothatuwa oopuheriwa variyariwaya.

¹⁰ Awosa ankithanya, enakivenyera, ehihiyereraka okisenyela owiitho.

¹¹ Eenre Muluku apasa mukoyi wa muuraaka ni akiveiha mwaatthuni, awosa ammwaasa okirweela.

¹² Ankivenyera miyo mpatta woolopwana; aarehererela miraakho inaawosaka, enakitekela ikaaro sookurumulela exiri.

¹³ Anraaleliha ephirowaaka; angwera okiphwata ehikhaviheriwakaru.

¹⁴ Amvira muntarini mutokotoko ni angwa wa miyo eriyari ya mathala.

¹⁵ Otteenguwa wookivara; ophwanelawaka wookuxiwa ni epheyo, olipawaka woolakaseya ntoko mahutte.

¹⁶ Vano okumaaka wooyavayava; kootthukeya mmahukuni a ohaawa.

¹⁷ Ohiyu makhuva anookivoreya; ovorewawaka onkitepela woohihiyerera.

¹⁸ Mooweranimwawe otokotoko, Muluku oonyongorora yoowaraaka; oonyongorora ekolarinya ya muxikomwaka.

¹⁹ Onkivonyera vanttokoni, ni kintatuxiwa ntthupi ni ettuura.

²⁰ Ii! Muluku, kinnookhuwelelani, mene khamunkaakhularu; kinneemela, mene munimwaasa okiweha.

²¹ Munkirukunuwela mooxililini, ni munkiwanano ni ntatananyu nooweraxa.

²² Nyuwo munkivara, munakikuxa mpheyoni, ni munkivonyera ninno ninno mutthekuni.

²³ Koosuwela weera munookirongha wookhwaani, vanipuroni athanleliwaaya atthu ootheene.

²⁴ Ettiitthu ti weera khaawo animmana mutthu ooheleya nthala, owo akhuwelelaka ekhavihero.

²⁵ Weeraka nkaawiinlela oohooxiwa? Nkaathananela oohaawa?

²⁶ Hata hiiho, kaawehereraaka mpuha, yaarwiiye yoonanara; kaasaasaaka waara, yaarwiiye epiphi.

²⁷ Mpuwamwaka khoonghiyerereya otannyereya; mahuku a ohaawa annikihooxa.

²⁸ Kineetta ngwukawukani ni woohikhala nsuwa; kineemela mmuthukumanoni kivekelaka ekhavihero.

²⁹ Koothatuwa munna a akhwatte, aani mukhwaaya a isiisi.

³⁰ Exapalaaka enriipa, enapumuwa; erutthwaaka enkiviha moovoreiwani.

³¹ Makitaaka ookokhiwa weera iipeliwe icipo sa mariro, ni mpeettaaka iipeliwe icipo soolalamika.