Yobi 23 - Emakhuwa Bible

Yoowaakhula ya Yobi

¹ Vano Yobi aahaakula:

² “Mpaka olelo kiniikhupanyeratho; naari otepaka wiipulelawaka, ntata na Muluku nookilemelaxa.

³ Naari mano kaasuwenle woomphwanyawo ni moota woorowa omankaawewo!

⁴ Miyo kaamunthalihera mulattwaaka ni kaamusariha eyanowaaka ni soowuuluma.

⁵ Kaamusomela yeeyo Owo eeraawe akaakhule ni kaamwiiwexexa yoowaakhulaawe.

⁶ Weeraka Owo aamukivaanya ni ikuru sitokotoko? Hoye, Owo khaakoothera.

⁷ Vano mulopwana ookwanela aangwera wuuluma mulattwaawe vamaithoni wa Muluku, ni miyo kaamutapuxiwa mwa yoowo aakoothenre.

⁸ Vaheera, karowa ninkhuma nsuwa, iwo Owo khakhanlewo; karowa ninkela nsuwa, nkinimphwanyawo.

⁹ Owo akhala mpatta wa ottuttuwani, nkinimusuwela; aarowaka mpatta wa ohitto, hata erungwaawe nkinoonaru!

¹⁰ Vaheera Owo oosuwela ephiro kimviraaka; aakootaka murima, kinookhumela wiithela ntoko eyuuma yoorikaxa.

¹¹ Kannamutthara aaviraawemo; kaakuxera ephirowaawe kihihapuwaka.

¹² Nkihiyale malamulo a iyanosawe; kaahoonelaxamo masu a mmwaanomwawe opwaha yoocaaka ya nihuku ti nihuku.

¹³ Vaheera Owo khanceendya! Khaawo angwera omvaanya. Owo ompaka yeeyo ontthunaawe.

¹⁴ Onoopaka yeeyo owo okilakelenlaawe ni itthu sincipaletho ikina ovaanenlaawe.

¹⁵ Tivawo kintteengwaaka ohoolowawe; kuupuwelaka yeeyo, kinsareya woova.

¹⁶ Muluku ookomokiha murimaaka; Muluku a ikuru sootheene ookitondolowiha.

¹⁷ Wa soothesene, nkimaalihiwe ni epiphi – epiphi yooriipihana enkuttelela ekhovaaka.