Yobi 20 - Emakhuwa Bible

¹ Vano Zofari muNaamati, aahaakhula:

² “Soowuupuwelasaka sootannyeya ni sinkaakhuliha niwoko kookacamiheya.

³ Kohiiwa ohiiha onkiveiha, ni wiiwexexawaka onkitannyera waakhula.

⁴ Vekhaikhai, nyuwo moosuwela weera, okhuma khalayi; aani ekhumelo iikaathiwakaru mutthu vathi,

⁵ otheya wa oonanara murima ti woovira, ni ohakalala wa atakhali khoonlekela.

⁶ Naari wiixoonawawe ophiyaka wiirimu ni muruwaawe otavaka mahutte,

⁷ owo onooriheya wa mahuku ootheene, ntoko mahilokaawe; yaawo yaamoonne eniikohe: ‘Ori woowi?’

⁸ Owo omvava, anavira ntoko oloha ohimphwanyiwaawetho, ommwareya ntoko moonelo wa ohiyu.

⁹ Niitho naamoonne, khanimoonatho, hata nipuronawe khanimoonatho.

¹⁰ Anamwanaawe eniyeereke waahokoloxera musurukhu anamahaawa; owo muneenaawe aneereke wiithukumanyera musurukhu.

¹¹ Ikuru sa emiravowaawe sinlipiha makhuvaawe nsiixaataleleno muntthupini.

¹² Naari yoonanara ecoocowaka mmwaanomwawe ni owo avithaka waanlumi,

¹³ naari ahiyaka mmwaano weera emusive ahitthunaka omira,

¹⁴ hata hiiho, yoocaawe enoonyuunya mmirimani; ni enoothatuwa yoohapala ya enowa mpuwamwawe.

¹⁵ Owo anaarapheye mihakhu ominraawe; Muluku onoopakiha weera nipwiipwinawe nikhumihere vaate mihakhu iyo.

¹⁶ Anaanuule yoohapala ya enowa; oluma wa evili onoomwiiva.

¹⁷ Khanoonatho maxaapwa ni nyooloko sa orawo ni mukaka.

¹⁸ Ahokoloxeke yeele owanenlaawe woohiphurela etthu, ni khaphwanyaru ewinelo ya marondaawe,

¹⁹ niwoko ohaahooxa anamahaawa anaahiya ttewu, anaakamela impa ohintekaawe.

²⁰ Ettiitthu ti weera ohaawelawawe khoonimwiitthuuwiha, ni mihakhusawe khasingwera omvuluxa.

²¹ Kheewo emuhalenle yoonyaanya; weetteleyawawe nnene khoonlekela.

²² Asareiyeene mihakhu, othanana onoommorela, makacamiho ootepaxa anoomphwanya.

²³ Owo iivonihaka, Muluku onoomurumihela isarasawe sivarelaka ni orupa wa omanawawe Muluku onoomuyeehera.

²⁴ Naari amoopowaka kapwitthi a eyuuma, nivaka na ebronze* nnoomuhoma.

²⁵ Owo onookhumihera muupa ottuliwawe; ethoka ya muupa eceremelaka wahapaniwawe; soowoopiha sootepaxa sinimmorela.

²⁶ Ewiriphi engweherera mihakhusawe. Mooro woohiiseeliwa onoomulaliha, ni onoonyaanya yeeyo eniihale muheemanimwawe.

²⁷ Erimu enoothupulula nthowanawe; etthaya enoomvenyera.

²⁸ Mirupi sitokotoko sinookumburula empaawe, aani maahi oowuupa vanihukuni na isara sa Muluku.

²⁹ Wu ti ommaleloni Muluku onaavahaawe atakhali; ti yoohiyera aathanlenlaawe Muluku.”