Yesaya 53 - Emakhuwa Bible

¹ Taani ororomenle mutthengaahu ni moono wa Yave ooniheringwe taani?

² Owo unnungwe ohoolowawe ntoko niphuwa nikhaanene ni ntoko mukwankhwaari vatthayani yoowuumelela. Owo khaaphwaneliwaru hata khaattittimiheya weera nimusivele, veekhalelonivawe khayaariworu etthu yoonihaaweliha yoowo.

³ Khooneliwa ni atthu yaamuhiya, mulopwana a othananaxa asuwelaka nnenesene soohaawa. Ntoko oohuluwiwa, oothanyiwa ni hiyo khanaamuttittiminghe.

⁴ Vekhaikhai aakuxa irettasahu ni soothananasahu, mene hiyo naamoona ntoko onttaruxiwa ni Muluku, oomaniwa ni oohasuliwa ni Yoowo.

⁵ Ookhomeliwa niwoko na sootthekasahu, oohononiwa niwoko na soonanarasahu; ottaruxa oniwerenle murettele waari wawawe ni noolamihiwa ni makhwattaawe.

⁶ Hiyo ootheene nooriheya ntoko ikhondoolo, khula mutthu a hiyo oohapuwa; ni Yave oomureya Yoowo sootakhala sa ootheene hiyo.

⁷ Owo oohasuliwa ni oohooxiwa, mene khaahunle eyanowaawe; ntoko eputtiputthi eronghiwaka owiiviwani ni ntoko ekhondoolo emmaalaaya ohoolo wa anamametthaaya, hiihotho Owo khaahunle eyanowaawe.

⁸ Ookuxiwa munthoriheloni ni moohasuliwani. Taani ongwera wuuluma sa ikhapirasawe? Vano Owo aamalamalihiwa mwa akumi; oomaniwa niwoko na soottheka sa mulokwaaka.

⁹ Oovahiwa nihiye variyari wa mahiye a atakhali ni anamapuha mookhwaani, aaroohipahularu hata ehooneyakaru yoowootha.

¹⁰ Hata hiiho waari otthuna wa Yave omuhonona ni omuhooxa ni, Yave aaroopakaru okumaawe yooveleelela nthowa, Owo onimoona ekhapiraawe ni animwaandyeerereya mahukwaawe ni otthuna wa Yave onimweetteleya nnenesene mmatatanimwawe.

¹¹ Vahoolo wa ohaawa wa munepaawe, Owo onimoona waara wa okumi ni onookhala oomaaleleya; ni mweesuweloni eyo, Murumeiyaaka oororomeleya onoopakiha weera ancipale yaakhuleliwe ni Muluku, akuxaka sootthekasaya.

¹² Tivawo kineeraaka kimuvahe mpatta variyari wa asitokweenexa ni Owo onookawa soohuhula vamoha ni ooweraxa, niwoko ohinnyerera okumaawe mookhwaani ni aahaalikeleliwa vamoha ni anamattheka. Vano ookuxa soottheka sa ancipale aavekelelaka anamattheka.