Yesaya 32 - Emakhuwa Bible

Otthomiwa wa olamula wa ekhaikhai

¹ Moone, mwene onoolamula moororomeleyani ni anamalamula anoolamula mweekhaikhaiyini.

² Khula mutthu onookhala ntoko mwiikittho wa epheyo ni wootthawelela ettheku, ntoko nyooloko sa maahi munikareni ni munttuusi wa mwala mutokotoko mweelaponi yoowuumaxa.

³ Vano maitho a yaale anoona kheewaleyatho ni maaru a yaale aniiwa animwiiwa.

⁴ Muupuwelo wa oowaakuva opaka onoowera othoriha nnene ni nlumi nookokomela nnimuuluma nnenesene woohihaawano.

⁵ Mulolo khiitthaniwatho neethi hata mutakhali khattittimihiwatho.

⁶ Vano mulolo onuuluma sa ololo, uupuwelaka paahi soonanara: owo ompaka itthu soohitteela amwaraxelaka soowootha mwaha wa Yave. Owo onimuhiya oovoliwa etala woohikhalano yooca ni ommwiimana maahi nantthona.

⁷ Mweettelo wa mutakhali ti woonanara, owo omvaanela soowuupuwela soonanara weera aaphwate oohaawa, orookhalaru odyoonttelelawawe wa ekhaikhai.

⁸ Vaheera neethi sa oneethi ni owo onaakiha yeeyo eri ya ekhaikhai.

Asithiyana a oYerusaleemu

⁹ Asithiyana nyuwosa muri emaalelo, mvenye ni mukiiwe; anamwane asithiyana nyuwosa munoona weera moolipa, mwiiwe yeeyo kintthunaaka wooleelani.

¹⁰ Eviraleene eyaakha emoha ni vakhaani, nyuwosa munoona weera moolipa munootteenguwa; ohepha wa iwuuva* onimooceeleya ni ohepha wa soowiima khookhala.

¹¹ Muthukumele nyuwosa asithiyana muri emaalelo, Owuumeeni owanoni anamwane asithiyana nyuwosa munoona weera moolipa. Muruleke ni ngware isaakho!

¹² Mmane ekakasa niwoko na imatta sooreera, niwoko na imatta sa iwuuva* soowiimaxa,

¹³ niwoko na elapo ya mulokwaaka, elapo yoosareya rupulula ni nyiiwa, aani mwiinlele impa sootheene soosareya ohakalala ni esidade ela yoosareya otteeliwa murima.

¹⁴ Nipuro noolipihiwaxa nnoothaamiwa, esidade ya minyakunyaku enoohiiwa, nipuro noolipaxa ni etoore* ya anamalipelela enoothatuwa nthala wa mahuku ootheene, ohakalala wa abuuru ni moocamo mihuwo

¹⁵ mpaka nneeraahu nikuruxeliwe Munepa wiirimu ni nikare nithatuwe elapo yooruwereya ni imatta sooruwereya sinlikana othako.

¹⁶ Ekhaikhai enoomaka munikareni ni ororomeleya mmatta mooruwereya.

¹⁷ Yoowiima ya ekhaikhai eniikhale murettele; emalihero ya ororomeleya eniikhale mmaaleleyo ni nroromelo wa mahuku ootheene.

¹⁸ Mulokwaaka onoomaka mmapuroni a murettele, okhalaka moomaaleleya ni mmapuroni ootikithereya,

¹⁹ naari maralala ephwataka othakho ni esidade ehononiwaka.

²⁰ Moota muneeraanyu mutteeliwe, mwaalaka mukerekhere nyooloko sootheene, muhiyaka mihuwosanyu ni abuurwaanyu yaasaka weetta.