Yesaya 26 - Emakhuwa Bible

Ecipo ya owina wa oYuda

¹ Nihuku nenenenno enimwiipiwa oYuda ecipo ela: Nookhalano esidade yoolipaxa; Muluku ookhaliha ovuluxa ntoko ixirisaya ni moowiipithamo.

² Muhule Milako weera muloko woororomeleya ovolowe, muloko ompwaherera moororomeleyani.

³ Nyuwo Yave munoomuthokorora ni mmuretteleni wookwanela yoole olakelanxe niwoko onoororomelani Nyuwo.

⁴ Munroromele Yave wa mahuku ootheene, niwoko Yave, aani Yave paahi ti Mwala woohimala.

⁵ Owo onaayeviha yaale ankhala musulusulu; Owo onkuruxa ni omphwata esidade yoorakama; owo ommoroxela vathi.

⁶ Eyo ennyikalasiwa ni inaawo – inawo sa oohasuliwa ni sa oohaawa.

⁷ Ii! Nyuwo muri a murima wa ekhaikhai, ephiro ya oororomeleya ti yoowookoleleya; Nyuwo munookola ephiro ya oororomeleya.

⁸ Neettaka mphironi mwa ikanosanyu hiyo nnoowehererani Nyuwo, Yave. Nsinananyu ni epilaanyu ti ohaawela wa mirimasahu.

⁹ Okumaaka onoohaawelani Nyuwo moohiyuni; oxeexelo munepaaka onootthunani Nyuwo. Saaphiyaka mweelaponi soothorihasanyu, amaki a elapo ya vathi anooxuttera ekhaikhai.

¹⁰ Naari mutakhali amoreliwaka ikharari, owo khanxuttera ekhaikhai. Mulaponi mwa oowookoleleya owo oneetta mooriheyani ni khanoona ovuwa wa Yave.

¹¹ Ii! Yave, ntatananyu nootheteiwa, mene awosa khaanoona. Awosa yooneke nthiti munkhalelaanyu mulokwaanyu ni yuulihiheye muru; mooro athokororeliwaaya amwiittanaanyu waalalihe.

¹² Yave, Nyuwo moonikhalihera murettele; moonipakela sootheene niwenraahu.

¹³ Ii! Yave Mulukwaahu, asipwiiya akina yaanilamula, mene hiyo ninttittimiha Nsinananyu paahi.

¹⁴ Awosa ahookhwa kheekhalatho ni okumi; minepasaya khasimvenyereratho. Nyuwo mohaattaruxa mwaaphwataka; Nyuwo moomaliha wuupuweleliwawaya woomalela.

¹⁵ Ii! Yave, Nyuwo mohaattiha mulokwaahu; aani moohaattiha mulokwaahu. Nyuwo moowina ovuwaxa; mootanuxa nyiinano sootheene sa elapwaahu.

¹⁶ Yave awosa yaawaattamelani moovalavelanimwaya; Nyuwo mwaattaruxaanyu, awosa yaaxuuvekela.

¹⁷ Ii!, Muluku, hiyo naakhala vamaithoniwanyu ntoko muthiyana oorupala ahanleene vakhaani oyara, anyokosowaka, akhuwelaka mwaha wa ovoreya wa mooyarani.

¹⁸ Hiyo naarupala, nnanyonkosowa moovoreyani, vaheera niyanre epheyo paahi. Khaniruuhenle elapo ya vathi ovuluwa; khanaayanre amaki a elapo ya vathi.

¹⁹ Mene anamakhwaanyu anookhala ni okumi; mittembosaya sinoovenyerera. Nyuwosa munkhala muntthupini, mvenye ni mwiipe ni ohakalala. Nikamenanyu nri ntoko nikame na oxeexelo; elapo ya vathi enimwaayara anamakhwaaya.

²⁰ Murowe, mulokwaaka, mwavolowe mukwaartuni ni mwiiwalele. Mwiipithe vakhaani mpaka isarasawe sineeraaya sivire.

²¹ Moone, Yave onkhuma omankaawewo weera athorihe miloko sa elapo ya vathi niwoko na sootthekasaya. Elapo enimoonihera ephome eyeeheriwemo; eyo khayaasungatho anamakhwaaya.