Yesaya 2 - Emakhuwa Bible

Empa ya Muluku ya muhoolo

¹ Yeeyo Yesaya, mwaana mulopwana a Amozi oonnaawe mwaha wa oYuda ni oYerusaleemu yaari ti ela:

² Mmahukuni ookisera mwaako wa Empa ya Yave onimunnuwihiwa; onookhalihiwa mutokweene a mattumuxa ni miloko sootheene sinoorowa wa yoowo.

³ Miloko sincipale sinimoowa seereke: “Nrowe, nawele mwaako wa Yave, wa Empa ya Muluku a Yakobe weera Owo anixuttihe iphirosawe ni hiiho nnimweetta mootthunanimwawe.” Vano Nlamulo nnookhuma oSiyoni ni masu a Yave oYerusaleemu.

⁴ Owo onoothoriha eriyari ya miloko ni onimuuluma minyakunyaku sa miloko sincipale. Awosa anootatuxa ikatanasaya ixaruwa ni mavakaaya icikwaakhwa. Muloko mmoha khookuxaru ikapwitthi soowanelano muloko mukina hata khasiirehererelatho owana.

Nthorihelo na oowiixoona

⁵ Ii!, ekhapira ya Yakobe, nrowe neetteke ngwaarani mwa Yave!

⁶ Moohiya mulokwaanyu – emusi ya Yakobe. Iyo soosareya ni ikhovelelo sa miloko sa mpatta ninkhuma nsuwa, sinaahera ihako, saattharaka aFilisti ni singwiiraanano amalapo.

⁷ Elapo yoosareya eparatha* ni eyuuma yoorikaxa ni mihakhusaya soowaattaxa; elapo yoosareya ikavalu* ni ikaarosaya sa ikavalu* khasinaalikeleya.

⁸ Elapwaaya yoosareya miluku soowootha; awosa anlapa miteko sa matataaya – seiyo apankaaya.

⁹ Tivawo omutthu oneeraaya oveiheya ni oyevihiwa; muhaalevelele yaawosa.

¹⁰ Mvolowe munikhukuni; mwiipithe vatthayani mwa soowoopiha sa Yave ni waara wa otokweenaawe!

¹¹ Maitho a oowiixoona anooyevihiwa ni wiikuxa wa atthu onooveiheya. Yave paahi ti anaavuwihiwe nihuku nenenenno.

¹² Yave a ikuru sootheene oothanla nihukunawe wa anamwiixoona ni anamwiikuxa ootheene – aani ootheene oovuwihiwa – ni awosa anooyevihiwa.

¹³ Yave ookhalano nihuku wa esedari* yootheene a oLibanu – yoorakameleya ni yoowiikuxerera, nitho nyiri sa ekaravalyu* sootheene sa oBaxani,

¹⁴ wa nyaako soorakamelaxa sootheene ni mattumuxa oorakamela ootheene,

¹⁵ wa khula etoore* yoorakamela ni exiri yoolipihiwaxa,

¹⁶ wa khula nikula ntokotoko na nakoso ni khula nikula nooreeraxa.

¹⁷ Wiikuxa wa omutthu onooveiheya ni wiixoonawaya onooyevihiwa. Yave paahi ti anaavuwihiwe nihuku nenenenno

¹⁸ ni miluku soowootha sinoolakaseya woomalela.

¹⁹ Atthu anootthawela munikhukuni vamwala ni munyattani niwoko na woopiha wa Yave ni waara wa otokweenaawe, Owo aavenyeraka otatha etthaya.

²⁰ Nihuku nenenenno atthu anoorihela mmakhuleni ni mwaanaantuuthuni milukusaya soowootha sa eparatha* ni eyuuma yoorikaxa, mwa seiye apankaaya weera elape.

²¹ Atthu anootthawela munikhukuni vamwala ni munyattani niwoko na woopiha wa Yave ni waara wa otokweenaawe, Owo aavenyeraka otatha etthaya.

²² Muhimuroromele mutthu mwa yoowo okumaawe onlikana ni iphumu mphulanimwaya! Otthuneiye mootani?