Yeremiya 52 - Emakhuwa Bible

Omora wa oYerusaleemu

¹ Zedekiya aathatuwaawe mwene aarino iyaakha miloko miili niimoha, analamula oYerusaleemu iyaakha muloko niimoha. Amayawe yiitthaniwa Hamutali, mwaana muthiyana a Yeremiya, a oLibena.

² Owo aapaka ohintthunaawe Yave, ntoko aapankaawe Yehoyakimi.

³ Isara sa Yave saatannyiwa oYerusaleemu ni oYuda, moota wooweera waatthuneya Owo waavenxa vamaithoniwawe. Vano Zedekiya aamvaanya mwene a oBabiloniya.

⁴ Tivawo, vayaakhani yanaathanniixexe ya olamula wa Zedekiya, vamweerini wanaamuloko, Nebukadenezari, mwene a oBabiloniya, aarongwaawe oYerusaleemu vamoha ni anakhottwaawe ootheene. Yaakonela okerekhere wa esidade, enateka ikaaro sookurumulela ixiri.

⁵ Esidade yaariciwa mpaka eyaakha yanaamuloko niimoha ya olamula wa Zedekiya.

⁶ Niphiyeraka nihuku nanaathannamaxexe na mweeri wanaaxexe, yaawirimaxa etala moota wooweera muloko khawoona yooca.

⁷ Vano exiri ya esidade yaakakhiwa. aBabiloniya yaarooricaru esidade, mwene ni anakhotto ootheene yaatthawa, enakhuma musidade ni ohiyu, ottimbeni wa emwene, vamulako eriyari ya ixiri piili, enarowasa wAraba.

⁸ Vaheera aBabiloniya yaamuttharelela mwene Zedekiya, enamphwanyasa vanreyareyani na oYeriko. Anakhottwaawe ootheene yaamuhiya enamwareya,

⁹ ni owo aavariwa. Zedekiya aaronghiwa wa mwene a oBabiloniya oRibela, mulaponi ya oHamate, mwa weiwo aamulakelenlaawewo.

¹⁰ oRibela, mwene a oBabiloniya aalamulela ohitiwa anamwane asilopwana a Zedekiya vamaithoniwawe, anawiivatho maneethi ootheene a oYuda.

¹¹ Vano aalamulela ozooliwa maitho a Zedekiya ni otthukiwa ni onyooro wa ebronze*, anaronghiwa oBabiloniya, aangwalenlaawewo mukaliposo mpaka nihuku na okhwawawe.

¹² Vanihukuni nanaamuloko na mweeri wanaathanu, vayaakhani yanaamuloko niithanniixexe sa olamula wa Nebukadenezari, mwene a oBabiloniya, Nebuzaradani, mutokweene a anamalipelela a emwene, aamurumeela mwene a oBabiloniya, aahoorwa oYerusaleemu.

¹³ Owo aahisa Empa ya Yave, empa ya emwene ni impa sootheene sa oYerusaleemu. Impa soottittimiheya sootheene saahisiwa ni yoowo.

¹⁴ Anakhotto a oBabiloniya, ehooleliwaka ni mutokweene a anamalipelela a emwene, aakurumula impa sootheene saarukureenre oYerusaleemu.

¹⁵ Nebuzaradani aahaarongha ootthukiweene akina akina a oohaawaxa ni muloko waahanle musidade, vamoha ni aneettottho yaahanle ni yaale yiixinnyerenre wa mwene a oBabiloniya.

¹⁶ Vaheera Nebuzaradani aahaahiya ottuli yaahanle a oohaawaxa a mulaponi weera evareke muteko mmatta mwa iwuuva* ni imatta sikina.

¹⁷ aBabiloniya yaahaapwexakasa, amarimbu a ebronze*, ikaaro sa ebronze* ni Ephareiya ya ebronze* yaari Mpaani mwa Yave, enarongha ebronze* oBabiloniya.

¹⁸ Yaakuxatho mookhupelamo ettuura, apoxoro, soorehererano mutthambo, ibasiya soovuuvihera, isasaani ni ikaruma sa ebronze* sootheene saavareliwa muteko Mpaani mwa Yave.

¹⁹ Mutokweene a anamalipelela a emwene aarowano ibasiya, ibasiya soomiserano, moohisera erubani*, ibasiya soovuuvihera, mookhupelamo ettuura, onyaari, ikhope ni ibasiya saavareliwa muteko wa sooveleela sooyeehiwa – sootheene saapakeliwe eyuuma yoorikaxa yooreerela hoye hoye sa eparatha*.

²⁰ Ebronze* yaavenxiwe mwaamarimbuni eeli, ephareiya ni imombe muloko ni piili sa ebronze* vathiwaya, ni ikarinyu muloko sa ebronze* aapakenlaawe mwene Salomoni Empa ya Yave, saahaattaxa sihiwereyaka ophima.

²¹ Khula nrimbu naarino imeetru* ithannatthaaru sa orakamawaya ni imeetru* ithanu ni eriyari ya emeetru* mmwaanomwaya, mwiittaaya waari ikatha ixexe ni mpuwamwaya khayaarimo etthu.

²² Nyuru miili sa ebronze* vasulu vanrimbu saarino imeetru* piili ni vakhaani orakamawaya, ni saaphwanelihiwe ni nivali ni irooma* sa ebronze* mukhwipimwaya. Nrimbu nikina nno, ni iroomasaya*, naamulikanela.

²³ Mukhwipimwaya saakhala irooma* miloko mithannamixexe niithannamosa; irooma* sootheene vasulu wa nivali saari ncira.

²⁴ Mutokweene a anamalipelela aamukuxa ntoko namatthukiwa Seraiya, mutokweene a asaserdoti*, musaserdoti* aamutthara iithaniwa Zefaniya ni anamalipelela araru a milako.

²⁵ Wa yaale yaari nlelo musidade, aamukuxa mutokweene aawehaweha asilopwana yaari anakhotto ni anamalaka athanneeli a mwene. Aamukuxatho namalepa aari mutokweenexa, aawehaweha woolepeliwani wa muloko wa mulaponi, ni miloko mithannamosa a asilopwanaawe yaaphwanyasiwe musidade.

²⁶ Mutokweene a anakhotto Nebuzaradani aahaakuxa ootheene ale, anaarongha wa mwene a oBabiloniya oRibela.

²⁷ oRibela iwe, mulaponi ya oHamate, mwene aalamulela weera yiivasiwe. Hiiho, Yuda aaronghiwa wootthukiwani, ottai wa elapwaawe.

²⁸ Waatta wa yaale Nebukadenezari aaronghalaawe wootthukiwani ti wu: vayaakhani yanaathannapiili, aYuda 3 023;

²⁹ vayaakhani yanaamuloko niithannatthaaru ya Nebukadenezari: 832 a oYerusaleemu;

³⁰ vayaakhani yanaamiloko miili ni tthaaru, aYuda 745 yaaronghiwe wootthukiwani ni mutokweene a anamalipelela a emwene, Nebuzaradani. Ootheene awo yaari aYuda 4 600.

³¹ Vayaakhani yanaamiloko miraru niithannapiili ya oronghiwa wootthukiwani wa Yehoyakini, mwene a oYuda, vayaakhani Evili-Merodaki aathatungwaawe mwene a oBabiloniya, owo aamutapuxa Yehoyakini, mwene a oYuda, mukaliposo vanihukuni nanaamiloko miili ni mathanu na mweeri wanaamuloko ni miili.

³² Owo aamuulumela ni onnene Yehoyakini, anamvaha nipuro noottittimiheyaxa waapwaha mamwene makina yaari ni yoowo oBabiloniya.

³³ Hiiho Yehoyakini aarula soowara sa mukaliposo ni vahoolo wa okumaawe wootheene aaca vamoha ni mwene.

³⁴ Mwene a oBabiloniya aamvaha yooca Yehoyakini ya khula nihuku mpaka okhwawawe.