Yeremiya 45 - Emakhuwa Bible

Mutthenga wa Baruki

¹ Muyaakhani yanaaxexe moolamulani mwa Yehoyakimi, mwaana mulopwana a Yosiya, mwene a oYuda, Yeremiya aamweerela Baruki mwaana mulopwana a Neriha, alempeene Baruki vanikwakhwalani masu yaahimmwale ni Yeremiya:

² “Masu Yave, Muluku a oYixrayeli, ongweerelaaweni nyuwo Baruki ti ala:

³ Nyuwo muneera: ‘Maayi miyo! Yave ohaandyeerera othanana wa ohaawawaka. Kookhulumuwa wiipulelaxa, nkiniitthuuwa.’

⁴ Vaheera Yave ookiruma wooleelani: ‘Yave oneera ha: Kinoophwata kitenkaaka ni kinoophela kiphatteiyaaka mweelaponi yootheene ela.

⁵ Vano, nyuwo munoowera wiisaasera itthu soowooreerelani? Muhaasaase, niwoko kinooruuhela erisa omutthu wootheene,’ oneera Yave, ‘vaheera Miyo kinimoohiyani moopowaka muneeraanyu muroweru.’ ”