Yeremiya 41 - Emakhuwa Bible

Ovaaneleliwa wa Gedaliya

¹ Vano mmweerini wanaathannamiili, Yixmayeli, mwaana mulopwana aNetaniya, mwaana mulopwana a Elixama, aari a emusi ya emwene ni aari mmoha a asitokweene a mwene, aarowa wa Gedaliya, mwaana mulopwana a Ahikami, oMizepa, aarowanaka asilopwana muloko. Ecaaka vamoha,

² Yixmayeli ni asilopwana muloko yaari ni yoowo yaaheemela, enamvulaliha ni ekatana Gedaliya, mwaana mulopwana a Xafani, amwiivaka yoole mwene a oBabiloniya aamuthanlalaawe okhala guvernadori a oYuda.

³ Yixmayeli aawiivatho aYuda ootheene yaari ni Gedaliya oMizepa, vamoha ni anakhotto a oBabiloniya yaariwo.

⁴ Waaxiiye, iiviweene Gedaliya, ohinaayeru osuweliwa,

⁵ asilopwana miloko mithannamiraru yaamentthe ireru, yaahunleene soowarasaya ni yiipompheene yaahoorwa ekhumaka oXekhemi, oXilo ni oSamariya, eruuhaka soovaha sa irooro ni erubani* weera eveleele Mpaani mwa Yave.

⁶ Yixmayeli, mwaana mulopwana a Netaniya, aavenya oMizepa weera amukumaneno, eetta iinlaka. Aaphwanyakaru aaheera: “Murwe mpaka oraawewo Gedaliya, mwaana mulopwana a Ahikami.”

⁷ Evolowakaru musidade, Yixmayeli, mwaana mulopwana a Netaniya, ni asilopwana aaraaweno, yaawiiva, enaavonyera muhimeni.

⁸ Vaheera muloko a yaawo yaamweerela Yixmayeli: “Muhiniive! Nookhalano etrigu ni esevada*, makhura ni oravo, nisungaahu mutuphini.” Vano owo aahaahiya mmuretteleni ni owo khaawiivale ni akinaawo.

⁹ Ehime mwa yeeyo owo aavonyenraawemo mittembo sa asilopwana aawiivalaawe, vamoha ni wa Gedaliya, yaathimpwale ni mwene Asa weera iixaakiheno wa Baaxa, mwene a oYixrayeli. Yixmayeli, mwaana mulopwana a Netaniya, aasarihamo mittembo.

¹⁰ Yixmayeli aahaakuxa ntoko anamatthukiwa yaahalahanle ootheene a muloko oMizepa, vamoha ni anamwane asithiyana a mwene. Vano Nebuzaradani, mutokweene a anamalipelela a mwene, aamuthanla Gedaliya waalamula. Yixmayeli, mwaana mulopwana a Netaniya, aahaakuxasa ntoko anamatthukiwa, anarowa mulaponi ya wAmoni.

¹¹ Yohana, mwaana mulopwana a Kareya ni asitokweene ootheene a anakhotto yaari ni yoowo esuwelaka yootakhala aapankaawe Yixmayeli, mwaana mulopwana a Netaniya,

¹² yaawiitthana anakhottwaaya ootheene weera engwaneno. Awosa yaamphwanya vakhiviru wa nratta ntokweene na oGibiyoni.

¹³ Muloko wootheene, aakunxaawe Yixmayeli ntoko anamatthukiwa, omoonakaru Yohanani, mwaana mulopwana a Kareya, ni asitokweene a anakhotto yaari ni yoowo, waahakalala.

¹⁴ Muloko wootheene aakunxaawe Yixmayeli ntoko anamatthukiwa oMizepa waahokolowa, onakhala mpatta wa Yohanani, mwaana mulopwana a Kareya.

¹⁵ Vaheera Yixmayeli, mwaana mulopwana a Netaniya, ni athannaararu a asilopwanaawe yaamoopowa Yohanani, enatthawela mulaponi ya wAmoni.

Otthawela wExipitu

¹⁶ Vano Yohanani, mwaana mulopwana a Kareya, ni asitokweene ootheene a anakhotto aaraaweno, yaahaakuxa ootheene yaahanle oMizepa, mwa yaawo owo aawooponlaawe mwa Yixmayeli, mwaana mulopwana a Netaniya, amwiivaleene Gedaliya, mwaana mulopwana a Ahikami: Anakhotto, asithiyana, asinamwane ni asitokweene a empa ya emwene, Yixmayeli aaruuhalaawe oGibiyoni.

¹⁷ Awosa yaapwahererasa, yeemelelo oGeruti-Kinyami, vakhiviru wa oBeteleheemu, mwa weiwo yiireherenraaya orowa wExipitu.

¹⁸ Yaatthuna owoopowa aBabiloniya. Yaamoova niwoko Yixmayeli, mwaana mulopwana a Netaniya, aamwiiva Gedaliya, mwaana mulopwana a Ahikami, mwa yoowo mwene a oBabiloniya aamuthanlalaawe okhala guvernadori a oYuda.