Yeremiya 39 - Emakhuwa Bible

Owiniwa wa oYerusaleemu

¹ Yerusaleemu aakuxiwe ha: Muyaakhani yanaathannaaxexe moolamulani wa Zedekiya, mwene a oYuda, mmweerini wanaamuloko, Nebukadenezari, mwene a oBabiloniya, aamvenyera Yerusaleemu ni anakhottwaawe enamurica.

² Munihukuni nanaathannamaxexe na mweeri wanaaxexe wa eyaakha yanaamuloko niimoha ya olamula wa Zedekiya exiri ya esidade yaapwexiwa.

³ Vano asitokweene ootheene a mwene a oBabiloniya yaahoorwa, enakilaathi vamulako wa eriyari: Nergali-Xarezeri a oSamegari, Nebo-Sarsekimi, mmoha a ahooleli a asitokweene, Nergali-Xarezeri, mutokweene mmoha a asitokweene, ni asitokweene ootheene a mwene a oBabiloniya.

⁴ Zedekiya, mwene a oYuda ni anakhotto ootheene yaawoonnaaya, yaatthawa. Yaakhuma musidade ohiyu, erowaka mpatta wa nttimbe na emwene, eviraka vamulako eriyari ya ixiri piili, enarowa wAraba.

⁵ Vaheera anakhotto a oBabiloniya yaamuttharelela, enamphwanya Zedekiya omuhawalawani wa oYeriko. Awosa yaamvara, enamurongha wa Nebukadenezari, mwene a oBabiloniya, oRibela, mulaponi mwa oHamati, mwa weiwo aamulakelenlaawewo.

⁶ oRibela, mwene a oBabiloniya aalamulela wiiviwa anamwane a Zedekiya vamaithoniwawe ni aawiivatho maneethi ootheene a oYuda.

⁷ Aalamulela okhoroboliwa maitho a Zedekiya ni omutthuka ni onyooro wa ebronze* weera emuronghe oBabiloniya.

⁸ aBabiloniya yaahisa empa ya emwene ni impa sa muloko, enapwexa ixiri sa oYerusaleemu.

⁹ Nebuzaradani, mutokweene a anamalipelela a mwene, aarongha oBabiloniya muloko waahanle musidade, vamoha ni yaale yiixinnyerenre mwa yoowo, ni aratti akinaawo.

¹⁰ Nebuzaradani aahiyale oYuda akina akina oohaawa paahi a muloko, yahaakhalanne etthu. Ehuhuweene yeele, owo aahaavaha imatta ni imatta sa iwuuva*.

¹¹ Vaheera Nebukadenezari, mwene a oBabiloniya, aamulamulela Nebuzaradani amweerelaka Yeremiya:

¹² “Munrowele ni mwamukosoope; muhimuhasule, mene mpake yeeyo aneeraawe avekele.”

¹³ Vano Nebuzaradani, mutokweene a namalipelela a emwene, Benuxaxebani, mutokweene mmoha a asitokweene, Nergali-Xarezeri, mutokweene a asitokweene ootheene ni akinaawo a mwene a oBabiloniya

¹⁴ yaalamulela okhumihiwa Yeremiya vanipuwani na anamalipelela, enamwinnyerera Gedaliya, mwaana mulopwana a Ahikami, mwaana mulopwana a Xafani, weera emuronghe owannyawe. Hiiho, Yeremiya aapwaherera okhala eriyari ya mulokwaawe.

¹⁵ Yeremiya areene etthukeliwo vanipuwani na namalipelela, Yave aamweerela:

¹⁶ “Murowe mwamuleele Ebedi-Meleki, muKuxi: ‘Yave a ikuru sootheene, Muluku a oYixrayeli oneera ha: Kihanle vakhaani okwanihera soowoopererelasaka esidade ela – mwa irisa ohikhanle weetteleya nnene. Nihuku nno, iyo sinookwanihereya vamaithoniwanyu.

¹⁷ Vaheera Miyo kinoowoopolani nihuku nno, oneera Yave; nyuwo khamwinnyereriwa mmatatani mwa yoole mummoovaanyu.

¹⁸ Vekhaikhai Miyo kinoowoopolani; nyuwo khamwiiviwa ni ekatana, mene munimoopowa, niwoko nyuwo munkiroromela Miyo, oneera Yave.’ ”