Yeremiya 20 - Emakhuwa Bible

Paxuri onimusoonda Yeremiya

¹ Vano Paxuri, mwaana mulopwana a Imeri, mutokweene oopacera Mpaani mwa Yave iiwalaawe seiyo Yeremiya aathalihenraawe mwaha wa otthuna wa Muluku,

² aalamula weera Yeremiya amaniwe ni atthukeleliwe vatthaabwani vamulako mutokweene wa Benyamini ori vakhiviru wa Empa ya Yave.

³ Oxaawaya, Paxuri amutaphulaka vatthaabwani, Yeremiya aamweerela: “Nsina Yave onoottehaaweni khanihiyono Paxuri, mene Magor-Misabibi*.

⁴ Vano Yave oneera ha: ‘Kinimoopakelani yoowoopihaanyu ni wa asinthamwenaanyu ootheene. Nyuwo munimoona ni maithwaanyu xaxaxa amwiittanaanyu yaawiivaka asinthamenaanyu. Kinimwinnyerera muloko wootheene wa oYuda mmatatani mwa mwene a oBabiloniya mwa yoowo anaaronghe oBabiloniya, awiivaka ni ekatana.

⁵ Kinimwinnyerera mmatatani mwa amwiittanaaya mihakhu sootheene sa esidade ela, sooruwerasaya, itthusaya sootheene ni mihakhu sootheene sa mamwene a oYuda. Awosa anookuxa ntoko soohuhula, erongheke oBabiloniya.

⁶ Ni nyuwo, Paxuri, ni emusaanyu yootheene munookhala ntoko anamatthukiwa oBabiloniya. Wu munimookhwa ni munoovithiwa – nyuwo ni asithamwenaanyu ootheene mwa yaawo mwaathalihenraanyu soowootha mwa Nsina na Yave.’”

Ottaandawula wa Yeremiya

⁷ Ii! Yave, Nyuwo mookilokottha ni koolokottheya ni Nyuwo; Nyuwo mwaari a ikuruxa okipwahaxa miyo ni moowina. Miyo kintthebwiwa mahuku ootheene; ootheene anookitheya.

⁸ Miyo kaalaleiyaka, kintthuneya olaleiya nipuhero ni ophwata. Vano masu a Yave ankiruuhela oveihiwa ni otthebwiwa mahuku ootheene.

⁹ Vaheera miyo keera: “Nkimuromolatho hata nkuuluma mwa Nsinananyu,” maswaanyu anlikana mooro ovarelaka mmurimanimwaka; mooro mpuwa mwa makhuvaaka. Miyo kookhulumuwa niwoko na yeeyo; nkingwera opwaherera moota hiiho.

¹⁰ Kiniiwa soowaapa sincipale: “Woova wa mipatta sootheene! Munthoonye! Nrowe Nimuthoonye!” Asinthamwenaaka ootheene angweherera weera kitapanye, yeeraka: “Apaale onoolokhotteya, ni vano ninoongwina ni nimwiinleleke ikukuttula.”

¹¹ Vaheera Yave ori ni miyo ntoko nakhotto ooweraxa; tivawo yaawo ankisoonda eneeraaya ekwattuliwe, ehiwinaka. Awosa animuulihiheya muru woomalela; overuliwawaya khoottiwaliwa.

¹² Ii! Yave a ikuru sootheene, Nyuwo mungwehaweha murima wa oororomeleya ni munoota murima ni soowuupuwela, mukihiye koone owiinlelawanyu ikukuttula, niwoko kininnyerera mulattwaaka mwa Nyuwo.

¹³ Mmwiipele Yave! Munttottopele Yave! Owo onoopola okumi wa oohaawa mmatatani mwa atakhali.

¹⁴ Noolaphiwa nikhale nihuku kiyariwaaka! Nihuku amayaka yaakiyanraaya nihireelihiweru!

¹⁵ Oolaphiwa akhale mulopwana aathalihenre atithaka ihaali sa oyariwawaka; yoole aahakalalinghe, aweerelaka: “Nyuwo tiithi a mwaana mulopwana!”

¹⁶ Mulopwana owo akhaleke ntoko isidade Yave aaphwantaawe woohimorela ikharari. Owo iiweke okhuweleliwa ekhavihero mooxeexeloni ni okhuweleliwa ekhotto othana.

¹⁷ Niwoko owo khaakiivale miyo mmirimani mwa amayaka ntoko nihiyenaka, ni hata khaahingye epwahereraka oorupaleene.

¹⁸ Kiyareliweni? Woona paahi soohooxa ni soothananiha ni waalikeleleya mahukwaaka ngwuulihiheyaxani muru?