Yeremiya 10 - Emakhuwa Bible

Ophwatiwa oYixrayeli niwoko na olapa miluku sikina

¹ Ii! Muloko wa oYixrayeli, mwiiwe yeeyo Yave onooleelaaweni.

² Yave oneera ha: “Muhixuttere mweettelo wa miloko, naari muhoove niwoko na ineneero sa wiirimu naari miloko sitteenguwaka.

³ Vano ikhovelelo sa miloko khasimuteko; awosa anuuha mwiri wa moothakoni ni neettotto ompattha ni ephalo.

⁴ Awosa amphwaneliha ni eparatha* ni eyuuma yoorikaxa; ankhomela ecaambulo eyo ni enyutto ni misomaari weera ehiinaine.

⁵ Ntoko moopopihero mmatta mwa mixiri milukusaya khasingwera wuuluma; ontthuneya okuxiwa niwoko khasingwera weetta. Muhoove milukusene seiyo, niwoko khasingwera opaka yoonanara naari yooreera.”

⁶ Khawowo onlikana ni Nyuwo, Yave; Nyuwo ti Mutokweenexa ni owera wa Nsinananyu ti otokotoko.

⁷ Taani aneera ahiwooveni Nyuwo, Mwene a miloko? Woopiha iwo wohoophwanelani. Variyari wa anamiruku ootheene a miloko ni moomwenenimwaya sootheene khawowo onlikana ni Nyuwo.

⁸ Ootheene yaawo khaamiruku ni alolo; awosa anxuttihiwa ni miluku soohimuteko.

⁹ Eparatha* yoohaniwa enruuhiwa oTaresisi ni eyuuma yoorikaxa wUpazi. Muteko wa muratti ni namahana enghuruweliwa ni soowara sa kanka ni sookankela – sootheene soopakiwa ni anamaratta ooweraxa.

¹⁰ Vaheera Yave ti Muluku a ekhaikhai; Owo ti Muluku Mukumi, Mwene Oohimala. Owo aanyoonyiwaka, elapo enootetereya; miloko khasingwera ovilela isarasawe.

¹¹ Mwaaleele ha: “Miluku seiyo sihipattunxe erimu naari vathi, sinooriheela mweelaponi ni vathi wa erimu.”

¹² Vano ti Muluku opattunxe elapo ya vathi ni ikurusawe; Owo aakhaliha yeeyo ni mirukusawe ni aakunga erimu ni wiiwexexawawe.

¹³ Oruma wa etaraawe, maahi anooruma wiirimu epakeyaka mahutte okhuma ekotenle elapo. Owo onrumiha overinya vamoha ni epula, akhumihaka epheyo enuukaanaayamo.

¹⁴ Asilopwana ootheene awo ti alolo, ehisuwelaka etthu; khula namahana onuulihiheya muru ni icaambulosawe. Seiyo siri soowootha sihikhalanaka ngwiya wa okumi.

¹⁵ Seiyo ti soohimuteko, sootthebwiwa ni atthu; nthorihelonaya naaphiyaka, sinoophwatiwa.

¹⁶ Yoole ori a mpatta wa Yakobe khanlikana ni icaambulo iyo, niwoko Owo ti Mpattuxa a sootheene, ni aYixrayeli ti epuumbaaweene – Yave a ikuru sootheene ti Nsinanawe.

Oronghiwa wootthukiwani wookhuveela

¹⁷ Nyuwosa munkhala ooriciweene, muthukumanyihe sooreerelasanyu weera mulaxere elapo.

¹⁸ Yave oneera ha: “Emaara ela kinimwaavonyera okerekhere yaawo ankhala mweelaponi ela; kinimwaaruuhela othanana otokotoko moota wooweera anoovarasiwa.”

¹⁹ Maayi miyo! Koovulala! Nikhwattanaka ti nankoxo. Wa soothesene kohiixeerela: “Ela ti ekwereraaka, ni kintthuneya ovilela.”

²⁰ Eheemaaka yoophwatiwa; mikhoyisaya sootheene soopasiwa. Anamwanaaka asilopwana aakihiya ni khaawoworu; khahanleru mutthu weera akunge eheemaaka naari weera akipakele wookonawaka.

²¹ Akukhuli a muloko ti alolo ni khaanimukoherera Yave; tivawo awosa sihingweettelaaya nnene ni muhuwaaya wootheene woomwaramwaxeya.

²² Mwiiwe! Ehaali enrwa – minyakunyaku sitokotoko sinrweela mpatta wa ottuttuwani. Mittetthe sa oYuda sinoophwatiwa, sitatuxiweke mookhalamo akhwatte.

²³ Ii! Yave! Koosuwela weera mutthu khanlakela sa muhoolomwawe; mutthu khanghoolela malipaawe.

²⁴ Mukookolele Yave, mene mweekhaikhaiyini paahi – khoohiyono musarani weera muhikimalamalihe woomalela.

²⁵ Muyeehere isarasanyu miloko sihoosuwenleni Nyuwo; miloko sihiniitthana Nsinananyu. Niwoko iyo soomphwata soommira Yakobe woomalela ni soophwata elapwaawe.