Yakobe 3 - Emakhuwa Bible

Olamula nlumi

¹ Axunnaka, muhitthune okhala ootheene nyuwo ahusiha, niwoko nyuwo moosuwela weera hiyo ninghusiha, nnithorihiwe vancipalexa.

² Hiyo ootheene ninkwattuliwa mmootani woohiyanahiyana. Akhala mukina ohinkwattuliwa ni wuuluma, mulopwana owo ti ookwanela, ni awerakatho olamula erutthwaawe yootheene.

³ Hiyo nahela efreyo* mmwaano mwa ikavalu* weera iyo siniiwelele, hiyo ninoowera olamula enama yootheene.

⁴ Muupuweleletho sa makula: ari mweeraru ereene matokotoko ni yoopeliwaka ni epheyo etokotoko, aneettihiwa ni etthaabwa ekhaanene ya ottuli ntoko otthuna wa namweettiha a nikula.

⁵ Hiihotho nlumi nri mpatta mukhaanene wa erutthu, mene niniivuwiha ni itthu sitokotoko. Moone moota mooro wa maaceeso mukhaaneene ongweraaya ohisa ntuphi ntokotoko.

⁶ Hiihotho nlumi nri mooro mmoha. Nri elapo ya otakhala. Niikaathiwe variyari wa mipatta sa erutthwaahu ninnananariha erutthu yootheene, nihisaka ephiro yootheene ya okumaaya, nireene nno mwaneenaaya noopattihiweene ni mooro wa Satana.

⁷ Mikhalelo sootheene sa asinama, ipalame, sowiipurula ni soopattuxiwa sa mphareiya sinlamuliwa, aani sinlamuliwa ni mukhalelo wa atthu.

⁸ Wa soothesene, khaawo ongwera olamula nlumi. Nno nri yoonanara yoohilamuleya, noosareya yoohapala eniiva.

⁹ Ni nno ninaatthapela Apwiya ni Atiithi, nitho ninaalapha atthu oopattuxiwa ni ekhalelo ya Muluku.

¹⁰ Wa eyanoweene yeeyo anrweela mareeliho ni olapha. Axunnaka, yeeyo kheentthuneya!

¹¹ Weeraka wa naattuuttu mmoha anookhuma maahi oocoocowa ni maahi oowaawa?

¹² Axunnaka, apaale onoowera mwiri wa efiigu wiima soowiima sa sooliveira*, naari ematta ya iwuuva* ifiigu? Mooteene yoowo naattuuttu a maahi oosiva maakha khaangwera okhumihatho maahi oocoocowa.

Moota miili wa miruku

¹³ Taani variyariwanyu ori musuweli ni orino wiiwexexa? Owo oonihere yeeyo ni mweettelowaawe wooreera, ni ni miteko soopakiwa ngwiiyevihani onrweela mmirukuni.

¹⁴ Wa soothesene, nyuwo mwakhalano mmirimanimwanyu nrima noowaawa ni soopwatthasanyu paahi, muhiivuwihe mwa yeeyo, hata muhikhootte ekhaikhai.

¹⁵ Moota wa miruku ola khoonrweela wiirimu, mene wa vathi; khoohiyono wa Munepa, mene wa minepa soonanara.

¹⁶ Vano, weiwo niraayawo nrima ni otthuna mpuhaawe mwaneenaawe, iwo wookhalatho onyakhulihana ni mikhalelo sootheene sa soonanara.

¹⁷ Mirukutho sinrweela wiirimu siri toko sootteela; vahoolowaya siri sa murettele, soosiveleya, sowiiwexexeiya, soosareya ikharari ni soowiima sooreera, soohikhala ni nthalu ni sa ekhaikhai.

¹⁸ Yoowiima ya ekhaikhai enaaliwa mmuretteleni ni yaale ampaka murettele.