Yakobe 1 - Emakhuwa Bible

Masu oolipihera ookisera

¹ Ya Yakobe, murumeiyi a Muluku ni a Apwiya Yeesu Kristu, wa ipuumba muloko ni piili simwaramwareiye variyari wa miloko: Salaama!

Sooweereriwa

² Axunnaka, muupuwelele weera ti ohakalala otokotoko nyuwo mwaaviraka ngweereriwani woohiyanahiyana,

³ niwoko moosuwela weera nroromelonanyu neereriwa, ninruwera ovilela.

⁴ Ontthuneya weera ovilela okwaniheriwe weera nyuwo mukhale atokweene munroromeloni, ni a ekhaikhai ehoohaleelakani etthu.

⁵ Akhala mukina a nyuwo onthoiwa miruku, amvekele Muluku onaavaha ootheene ni ohakalala ni otthuna wootheene, ni vano anaavahiwe.

⁶ Wa soothesene, amvekele ni nroromelo, ahihovelaka, niwoko yoowo onghovela onoolikana ni mutekuteku wa mphareiyani, onkuxiwa ni owali wa epheyo.

⁷ Mulopwana owo ahuupuwele weera anaakhele etthu wa Apwiya,

⁸ niwoko ti mutthu orino soowuupuwela piili, ni ori ooceendyaceendya mwa sootheene ompakaawe.

⁹ Vano, munna oniiyeviha iivuwiheke niwoko na nipuronawe noottittimiheyaxa;

¹⁰ munnatho oopuha iivuwiheke ngwiiyevihanimwawe, niwoko anaavire ntoko ithutu sa ntuphini.

¹¹ Vano nsuwa ningwela ni ovihawaya woovarela ni ninnyaaliha mwiri, ni ethutwaaya eniimore, ni oreera wa ekhalelowaaya enoophwatiwa. Mooteene yoowo, namapuha anaanyaale, areene oopwattha mitekosawe.

¹² Ooreelihiwa mulopwana omvilela ngweereriwani, niwoko avilela, anaakhele ecireemba ya okumi Muluku aaroromelihalaawe yaawo animusivela.

¹³ Akhala mukina oneereriwa, aheere: “Kineereriwa ni Muluku.” Muluku khangwereya weereriwa ni yoonanara, ni khaawo ommweereraawe.

¹⁴ Wa soothesene, khula mutthu oneereriwa ni soohaawelasawe mwaneenaawe soonanara. Ti soohaawela iyo sinimpurula ni sinimweettiha mutthu.

¹⁵ Vano, soohaawela iyo sarupala, singyara soottheka; ni soottheka siitthwa, singyara okhwa.

¹⁶ Axunnaka oosiveleya, muhiilokotthe.

¹⁷ Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.

¹⁸ Awo yaalakela oniyara ni masu a ekhaikhai, weera nikhale ntoko soowiima soopacera sa sootheene seiyo Awo apattunxaaya.

Wiiwa ni opaka

¹⁹ Axunnaka oosiveleya, muupuwelele yeeyo: mukhale oowaakuva wiiwa, mene oopisa wuuluma, hoye hoye onyoonyiwa,

²⁰ niwoko isara sa mutthu khasinruwera yeeyo Muluku ontthunaawe.

²¹ Tivawo, mwiixoopole wa ohitteela wootheene ni sootakhala soowaatta, ni mwaakhele ni murima woowiiyeviha masu yaaliwe mmurimanimwanyu, mwa yaawo anoowera woovuluxani.

²² Mweetteleke masu, khoohiyono wiiwaru paahi, mwiilokotthaka mwaneenaanyu.

²³ Yoole oniiwa masu, mene ahineettela, onlikana ni mutthu onoona ekhovaawe valoolani,

²⁴ ni, iixoonaka, onoovenya ni woowaakuveya onoottiwala ekhovaawe.

²⁵ Mutthutho ontthokelela nnenesene nlamulo nookwanela ninruuha oneethi, ni ompwaherera munlamuloni nno, ahittiwalaka iiwalaawe, mene eettelaka munlamuloni, anaareelihiwe mwa yeeyo ompakaawe.

²⁶ Akhala mukina onuupuwela weera kiri mulipa a ediini, mene ahiwehawehaka nluminawe, oniilokottha mwaneenaawe. Ediinaawe eri ya siiyo!

²⁷ Vano, ediini Muluku Atithihu onaakhulelaawe ntoko yootteela ni yoohikhala malepa, ti ela: waakosoopa akwaasuni ni asinaamukhweli mohaawanimwaya ni wiisusiha wa soovaliha sa mweelaponi.