Titu 3 - Emakhuwa Bible

Mweettelo wa muKristu

¹ Ngwuupuxere ootheene weera yaatthare mamwene ni asitokweene, ewiiweleleka yaawo ni ekhalaka oolikaneene mahuku ootheene weera epake sootheene siri sooreera.

² Ngwuupuxereketho ehimwaapeke, naari mutthu mmoha, ni weera ekhale ni murima wa murettele, oosiveleya ni ewoonihere atthu ootheene murima woomaaleleyaxa mahuku ootheene.

³ Khalayi hiyotho naari oohikhala ni miruku, oohiiwelela, oolokotthiwa, ni ootthukiwa ni mikhalelo soohiyanahiyana sa soohaawela sa erutthu. Naakhala mootakhalani ni munrimani, nireene oothanyeya, nithanyanaka mukina ni mukhwaawe.

⁴ Woonihenraayatho murima wooreera ni waasivela atthu wa Muluku, Mvuluxaahu,

⁵ Owo oonivuluxa ni otteelihiwa wa oyariwa wanaaveeli, ni orehereriwa wa Munepa Wootteela, ohikhanle niwoko na miteko sa ekhaikhai naapankaahu, mene niwoko na ikhararisawe.

⁶ Muluku oniyeehenre hiyo Munepa wookwana mwa Yeesu Kristu, Mvuluxaahu,

⁷ weera, nireene oowaakhuleliweene niwoko na mahalaawe, hiyo nithatuwe anamwaakhela, niwehereraka okumi woohimala.

⁸ Masu ala ti oororomeleya, ni kintthuna weera nyuwo mulipihere nnenesene itthu iya, weera yaawo animuroromela Muluku epake miteko sooreera. Itthusene seiya siri sooreeraxa ni sinnaakhavihera atthu.

⁹ Wa soothesene, musembe waakhulana wa siiyo, ikhapira, ohiiwanana ni ovaanyihana mwaha wa nlamulo, niwoko itthu iyo siri soohikhavihera ni sa siiyo.

¹⁰ Mwaha wa yoole ontannya ohiiwanana, mmooperere emaara yoopacera ni yanaaveeli, ni vahoolowaya mwamusembe.

¹¹ Nyuwo moosuwela weera mutthu owo ori ookhoromana ni mootthekani, mwaneenaawe oothorihiwa.

Masu ookisera

¹² Koorumihelakani Artema, hoye hoye Tikhiko, mweerere okikumanano oNikopoli, niwoko kaalakela okhala weiwo mulaala wootheene.

¹³ Mwaavahe sootheene singhaaweleya wa mukwaha wa Zena, namwaakiha, ni Apolo weera ehikhale eneera yaahaleele.

¹⁴ Atthwaahu ehusere opaka ni nthiti miteko sooreera, weera sihaathowe soohaawelasaya sa khula nihuku ni ehikhale oohiruwera.

¹⁵ Ootheene ari ni miyo animoovahani isalaama. Mwaavahe isalaama wa yaala annisivela munroromeloni. Mahala ekhale ni nyuwo ootheene.