Nuumeru 7 - Emakhuwa Bible

Sooveleela sa ahooleli

¹ Moisesi amalihaleene oreherera etabernaakulu*, owo aattikitthela, anatteeliha vamoha ni ikarumasaya. Aahaattikitthelatho altaari* ni ikarumasaya sootheene, anatteeliha.

² Vano ahooleli a aYixrayeli, mapwattapwattha yaari ahooleli a ipuumba yaangwehaweha namalepela, yaapaka sooveleela.

³ Yaaruuha soovahasaya wa Yave: Ikaaro ithannamosa sookhuneeliwa, ni imombe muloko ni piili – emombe emoha wa khula muhooleli ni ekaaro emoha wa khula ahooleli eeli. Iyo yaarongha ohoolo wa etabernaakulu*.

⁴ Yave aamweerela Moisesi:

⁵ “Mwaakhelele sooveleelasaya weera sivareliwe muteko wa Eheema ya Muthukumano*. Ngwinnyerere aLeevi, muttharihaka muteko wa khula mutthu.”

⁶ Vano Moisesi aahaakhela ikaaro ni imombe anawinnyerera aLeevi.

⁷ Aahaavaha aGerexoni ikaaro piili ni imombe ixexe attharihaka waatthuneyaaya wa mutekwaaya;

⁸ ikaaro ixexe ni imombe ithannatthaaru wa aMerari, attharihaka waatthuneyaaya wa mutekwaaya. Ootheenaawo yaawehawehiwa ni Ithamari, mwaana mulopwana a musaserdoti*, Aharoni.

⁹ Vaheera wa aKohati Moisesi khaavangheru etthu, niwoko awosa waatthuneya othatela ikaruma sootteeliheriwa mwa seiyo yaawehawehaaya.

¹⁰ Ettikittheliweene altaari*, ahooleli yaaruuha sooveleelasaya weera etteelihiwe altaari*, enoonihera ohoolowaya.

¹¹ Yave aamweerela Moisesi: “Khula nihuku muhooleli mmoha aruuheke yooveleelaawe yoowaatteelihera altaari*.”

¹² Vanihukuni noopacera, Nahexoni, mwaana mulopwana a Aminadabi, a epuumba ya aYuda, aaruuha yooveleelaawe.

¹³ Yoveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

¹⁴ nipoottoro na eyuuma yoorikaxa na ixekeli* muloko, noosareya erubani*;

¹⁵ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

¹⁶ napunci mmoha a epuri ntoko yooveleelela yoottheka;

¹⁷ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Nahexoni, mwaana mulopwana a Aminadabi.

¹⁸ Vanihukuni nanaaveeli, Netaneli, mwaana mulopwana a Zuwari, muhooleli a awIsakari, aaruuha yooveleelaawe.

¹⁹ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

²⁰ nipoottoro na eyuuma yoorikaxa na ixekeli* muloko, noosareya erubani*;

²¹ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

²² napunci mmoha a epuri ntoko yooveleelela yoottheka;

²³ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Netaneli, mwaana mulopwana a Zowari.

²⁴ Vanihukuni nanaararu, Eliyabi, mwaana mulopwana a Heloni, muhooleli a aZebuloni, aaruuha yooveleelaawe.

²⁵ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

²⁶ nipoottoro na eyuuma yoorikaxa na ixekeli* muloko, noosareya erubani*;

²⁷ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

²⁸ napunci mmoha a epuri ntoko yooveleelela yoottheka;

²⁹ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Eliyabi, mwaana mulopwana a Heloni.

³⁰ Vanihukuni nanaaxexe, Elisuri, mwaana mulopwana a Sedewuri muhooleli a aRubeni, aaruuha yooveleelaawe.

³¹ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

³² nipoottoro na eyuuma yoorikaxa na ixekeli* muloko, noosareya erubani*

³³ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

³⁴ napunci mmoha a epuri ntoko yooveleelela yoottheka;

³⁵ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Elisuri, mwaana mulopwana a Sedewuri.

³⁶ Vanihukuni nanaathanu, Xalumiyeli, mwaana mulopwana a Zurixadayi, muhooleli a aSimeyoni, aaruuha yooveleelaawe.

³⁷ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

³⁸ nipoottoro na eyuuma yoorikaxa na ixekeli* muloko, noosareya erubani*;

³⁹ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

⁴⁰ napunci mmoha a epuri ntoko yooveleelela yoottheka;

⁴¹ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Xalumiyeli, mwaana mulopwana a Zurixadayi.

⁴² Vanihukuni nanaathannamosa, Eliyasafi, mwaana mulopwana a Deyuweli muhooleli a aGadi, aaruuha yooveleelaawe.

⁴³ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

⁴⁴ nipoottoro na eyuuma yoorikaxa na ixekeli* muloko, noosareya erubani*;

⁴⁵ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

⁴⁶ napunci mmoha a epuri ntoko yooveleelela yoottheka;

⁴⁷ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Eliyasafi, mwaana mulopwana a Deyuweli.

⁴⁸ Vanihukuni nanaathannameeli, Elixama, mwaana mulopwana a Amihudi, muhooleli a awEfrayimi, aaruuha yooveleelaawe.

⁴⁹ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

⁵⁰ nipoottoro na eyuuma yoorikaxa na ixekeli* muloko, noosareya erubani*;

⁵¹ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

⁵² napunci mmoha a epuri ntoko yooveleelela yoottheka;

⁵³ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Elixama, mwaana mulopwana a Amihudi.

⁵⁴ Vanihukuni nanaathannamararu, Gamaliyeli, mwaana mulopwana a Pedasuri, muhooleli a aManaxe aaruuha yooveleelaawe.

⁵⁵ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

⁵⁶ nipoottoro na eyuuma yoorikaxa na ixekeli* muloko, noosareya erubani*;

⁵⁷ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

⁵⁸ napunci mmoha a epuri ntoko yooveleelela yoottheka;

⁵⁹ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Gamaliyeli, mwaana mulopwana a Pedasuri.

⁶⁰ Vanihukuni nanaathannamaxexe Abidani, mwaana mulopwana a Gidiyoni, muhooleli a aBenyamini, aaruuha yooveleelaawe.

⁶¹ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

⁶² nipoottoro na eyuuma yoorikaxa na ixekeli* muloko, noosareya erubani*;

⁶³ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

⁶⁴ napunci mmoha a epuri ntoko yooveleelela yoottheka;

⁶⁵ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Abidani, mwaana mulopwana a Gidiyoni.

⁶⁶ Vanihukuni nanaamuloko, Ahizeri, mwaana mulopwana a Amixadayi, muhooleli a aDani, aaruuha yooveleelaawe.

⁶⁷ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela moota wa exekeli* yooweetheeliwa makhura, ntoko yooveleela ya irooro;

⁶⁸ nipoottoro na eyuuma yoorikaxa na ixekeli* muloko, noosareya erubani*;

⁶⁹ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

⁷⁰ napunci mmoha a epuri ntoko yooveleelela yoottheka;

⁷¹ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Ahizeri, mwaana mulopwana a Amixadayi.

⁷² Vanihukuni nanaamuloko nimmoha, Pagiyeli, mwaana mulopwana a Okrani, muhooleli a awAxeri, aaruuha yooveleelaawe.

⁷³ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

⁷⁴ nipoottoro na eyuuma yoorikaxa na ixekeli* muloko, noosareya erubani*;

⁷⁵ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

⁷⁶ napunci mmoha a epuri ntoko yooveleelela yoottheka;

⁷⁷ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Pagiyeli, mwaana mulopwana a Okrani.

⁷⁸ Vanihukuni nanaamuloko ni meeli, Ahira, mwaana mulopwana a Enani, muhooleli a aNafitali, aaruuha yooveleelaawe.

⁷⁹ Yooveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

⁸⁰ nipoottoro na eyuuma yoorikaxa na ixekeli* muloko, noosareya erubani*;

⁸¹ mwaamombe mmoha, napunci ni eputtiputthi elopwana ya eyaakha emoha ntoko yooveleela yoohisa;

⁸² napunci mmoha a epuri ntoko yooveleelela yoottheka;

⁸³ ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Ahira, mwaana mulopwana a Enani.

⁸⁴ Iya saari sooveleela sa ahooleli a aYixrayeli soowaatteelihera altaari* awo yaattikittheliwaaya. Sootheene iyo saari isasaani sa eparatha* muloko ni piili, ibasiya wa soomiserano sa eparatha* muloko ni piili ni mapoottoro a eyuuma yoorikaxa muloko ni meeli.

⁸⁵ Khula esasaani ya eparatha* yaalemela ixekeli* ncira ni miloko miraru, ni khula ebasiya wa soomiserano yaalemela ixekeli* miloko mithannamiili. Olemela wootheene wa khula eparatha* waari ixekeli* 2 400, ottharihiwaka moota wa exekeli* ya Nipuro Nootteela*.

⁸⁶ Mapoottoro muloko ni meeli oosareya erubani* yaalemela khula nipoottoro ixekeli* muloko, ottharihiwaka moota wa exekeli* ya Nipuro Nootteela*. Mapoottoro ootheene a eyuuma yoorikaxa yaalemela ixekeli* ncira ni miloko miili.

⁸⁷ Axinama ootheene yaapakeliwe yooveleela yoohisa yaari aximombe muloko neeli, anapunci a ikhondoolo muloko neeli ni iputtiputthi ilopwana muloko ni piili sa eyaakha emoha vamoha ni sooveleela sa irooro. Anapunci a ipuri muloko neeli yaaruuhiwa wa yooveleelela yoottheka.

⁸⁸ Axinama ootheene yaapakeliwe yooveleelela murettele yaari imombe miloko miili niixexe, anapunci a ikhondoolo miloko mithannamosa, anapunci a ipuri miloko mithannamosa ni iputtiputthi ilopwana miloko mithannamosa sa eyaakha emoha. Saari seiya sooveleela saaruuhiwe weera etteelihiwe altaari*, vahoolo wa ottikittheliwawaya.

⁸⁹ Moisesi aavolowaawe Muheemani ya Muthukumano* weera uulume ni Yave, anniiwa nsu naamuulumano eriyari ya akerubini* eeli, vasulu wa yookhuneelano ya Arka* a wiiraana. Vanonto, Yave uulumaawemo ni yoowo.