Nehemiya 4 - Emakhuwa Bible

Okhaleliwa efittina muteko

¹ Sanibalata asuwelaka weera awo yaapacera orasela exiri, aanyoonyiwa vancipale ni aasareya isara. Aahaanyohola aYuda ni

² vamaithoni wa asikhwaawe ni anakhotto a oSamariya aaheera: “Ampakasani aYuda oohilipa ale? Weeraka eniirasele exiraaya? Mpaka epakele sooveleela? Eniimalihe muteko munihukuni nimoha paahi? Weeraka eniiwere ovenyereriha maluku ale oohisiwa oovarela muteko a mittunduruma iye sa ittuxo?”

³ Tobiya, ngwAmoni aari mukhwipimwawe, aaheera: “Hata mutekaka, weera arwe khwatte atuphelaka exiri, eyo enookurumuwa ekhalaka muttunduruma!”

⁴ Ii! Muluku, muniiwe, niwoko nnoonyemuliwa. Mwaahokoloxere onyemuliwa weera okhale wawaya. Evarasiwe eronghiwaka elapo ekina!

⁵ Muhilevelele sootthekasaya naari muhittiwale sootakhalasaya, niwoko aatannyera isarasanyu vamaithoni wa anamateka.

⁶ Vano nneera niraselaka exiri mpaka wunnuwawaya, noophiya eriyari ya orakamelawaya osulu, niwoko atthu yaavara muteko ni murimaaya wootheene.

⁷ Wa soothesene, Sanibalata, Tobiya, awArabi, awAmoni ni atthu a wAxidoti, esuwelaka weera oraseliwa wa exiri ya oYerusaleemu waaheettihiwa ni weera mukhatoni waamuttiyattiiwa, yaanyoonyiwa vancipale.

⁸ Ootheene yaavaanela vamoha owanano oYerusaleemu ni otannyera munyakunyaku.

⁹ Hiyotho naamvekela Mulukwaahu niwiikaathiki anamalipelela othana ni ohiyu weera enaakihereke.

¹⁰ Eyo eri hiiho, atthu a oYuda yaaheera: “Anamateka aakhulumuwa nitho sootepa ittuxo moota wooweera yoohiru khaningwera orasela exiri.”

¹¹ Amwiittanaahu yaaheeratho: “Awo ehinaaye woonelelasa etthu naari onoona, nnikhale variyariwayasa niwiivaka, ni hiiho nnimalihe mitekosaya.”

¹² aYuda yaamanke vakhiviruwaya aanileela imaara sincipale: “Weiwo muntthunaanyu orukunuwela musuwele weera nimmoowananani wa mipatta sootheene.”

¹³ Tivawo kaakhalinghaaka atthu akina a muloko wiithela omakhuruweloni wa exiri, mmapuroni moowooneya. Kaahaakawanyiha emusi emusi ekuxaleene ikatana, mavaka ni nyuupa.

¹⁴ Kaawehaweha, kinaweerela maneethi, asitokweene ni muloko mukinoowo: “Muhiwoovase. Muupuwelele weera Yave ti Mutokotoko ni Oowoopiha ni ngwane ngweerelaka axunninyu, anamwaniinyu asilopwana ni asithiyana, axaarinyu ni mmavaatenimwanyu.”

¹⁵ Amwiittanaahu yoonelelaka weera naasuwela soovaanelasaya sootheene ni weera Muluku aahaanganyera mirukusaya, ootheene hiyo naahokoleela exiri, khula mutthu ni mutekwaawe.

¹⁶ Okhuma nihuku nne woorowa ohoolo mpatta mmoha wa atthwaaka ovaraka muteko, mpatta mukina waapwaherera woolikaneene ni mavaka, ixikudu*, nyuupa ni ikapaseti. Asitokweene yannakhavihera muloko wootheene wa oYuda

¹⁷ waarasela exiri. Yaawo yaattuutta ikaruma yaavara muteko ntata nimoha ni nikinanno yaamvarela kapwitthi.

¹⁸ Anamateka ootheene yeettano ekatanaaya muyuununi evaraka muteko. Mulopwana mmoha oolikaneene weera iipe nipalapatta aakhala ni miyo.

¹⁹ Kaaweerela maneethi, asitokweene ni muloko mukinoowo: “Muteko wohaatta ni wohunnuwa ni nri oomwalamwaleene nirakamelanaka exiri yootheene.

²⁰ Weiwo muneeraanyu mwiiwelewo oruma wa nipalapatta, nathukumanelewo. Mulukwaahu onoowana aneerelaka hiyo!”

²¹ Vano mooteene yoole naapwaherera muteko, ni mpatta wa atthu ovarenleene mavaka okhuma oxeexelo mpaka wiila.

²² Ehuhuweene yeele kaaweerelatho: “Khula mutthu ni namakhaviheraawe akhaleke ohiyu muYerusaleemu weera alipeleleke ni avareke muteko othana.”

²³ Hata miyo, naari axunnaka, hata atthwaaka oororomeleya hoye hoye anamalipelela yaari ni miyo khanaarularu. Khula mutthu aakhala ni kapwitthaawe mmatatani, hata arikaka maahi.