Nehemiya 10 - Emakhuwa Bible

¹ Masina a yaale yaalempe ti ala: Guvernadori, Nehemiya, mwaana a Hakaliya ni Zedekiya,

² Seraya, Azariya, Yeremiya,

³ Paxehuri, Amariya, Malekiya,

⁴ Hatuxi, Xebaniya, Maluki,

⁵ Harimi, Meremoti, Obadiya,

⁶ Daniyeli, Gineto, Baruki,

⁷ Mexulami, Abiya, Miyamini,

⁸ Mahazeya, Bilegai, Xemaya. Ti yaala yaari asaserdoti*.

⁹ Vano aLeevi: Yexuwa, mwaana mulopwana a Azaniya, Bavai a anamwane asilopwana a Henadadi, Kademiyeli,

¹⁰ ni asikhwaaya: Xebaniya, Hodiya, Kelita, Pelaya, Hanani,

¹¹ Mika, Rehobi, Haxabiya,

¹² Zakuri, Xerebeya, Xebaneya,

¹³ Hodiya, Bani, Beninu.

¹⁴ Asitokweene a muloko: Paroxi, Pahate-Mowabi, Elami,

¹⁵ Buni, Azegade, Bebai,

¹⁶ Adoniya, Bigevai, Adini,

¹⁷ Ateri, Hizekiya, Azuri,

¹⁸ Hodiya, Haxumi, Bezai,

¹⁹ Harifi, Anatoti, Nebai,

²⁰ Magepiyaxi, Mexulami, Heziri,

²¹ Mexezabeli, Zadoki,

²² Pelateya, Hanani, Anaya,

²³ Hoxeya, Hananiya, Haxubi,

²⁴ Haloxexe, Pileha, Xobeki,

²⁵ Rehumi, Haxabena, Mahaseiya,

²⁶ Ahiya, Hanani, Anani,

²⁷ Maluki, Harimi, Bahana.

²⁸ Vano, atthu akinaawo – asaserdoti*, aLeevi, anamalipelela a milako, anamwiipa, arumeiyi a Empa ya Muluku, ni ootheene yaamwalamwanle ni miloko soowaattamana moosivelani Nlamulo na Muluku vamoha ni axaaraya ni anamwanaaya asilopwana ni asithiyana yaawera wiiwexexa –

²⁹ aani, ootheene yaale yaathukumana ni axunnaya maneethi yiilipelelaka mulaponi ni munreelihoni weera etthare Nlamulo noovahiwa ni Muluku mwa Moisesi, murumeiyi a Muluku, ni weera yiiwelele ikano, soonyesereriwa ni malamulo ootheene a Yave, aani Yavaahu.

³⁰ Yeenre: “Noororomeliha weera khannaatheliha anamwanaahu asithiyana wa miloko soowaattamana, hata waakhulela anamwanaaya asithiyana otheliwa ni anamwanaahu.

³¹ Miloko soowaattamana saaruuhaka soothumiha hoye hoye etrigu weera ethumihe vanihukuni na eSaabadu naari nakhalaru nihuku nikina nootteela, khanithuma itthusaya mahukweene yaawo. Khula eyaakha yanaathannapiili nnoohiya imattasahu weera siitthuuwe ni ninoomaliha ikoongori sootheene.

³² Nohiivaherera ohoolela, ntoko nlamulo ninnyesereraaya, ovaha vayaakhani mpatta wanaararu wa exekeli* wa Empa ya Mulukwaahu.

³³ Vano musurukhu owo ti wa ipaawu sootteelihiwa, sooveleela soohihiyerereya sa etrigu ni soohisa, sooveleela mmaSaabaduni, ifesta sa mweeri munyowani ni ifesta sikina, sooveleela sootteela ni sa soottheka weera aYixrayeli yiiraanyihiwe, ni wa miteko sootthuneya sootheene sa Empa ya Mulukwaahu.

³⁴ Hiyo ntoko asaserdoti*, aLeevi ni muloko nnimwaasaaseratho khula eyaakha osuwela taani aneera aruuhele ikhuuni Empa ya Mulukwaahu weera sihisiwe valtaarini* a Yave Mulukwaahu, ntoko elempwalaaya munlamuloni.

³⁵ Nohiivahereratho ohoolela oruuhela Empa ya Muluku vayaakhani mpatta woopacera wa soohephasahu ni sa nyiri soowiima sootheene.

³⁶ Nnooruuhelatho Empa ya Muluku ni asaserdoti* anrumeelamo matthaara a anamwanaahu asilopwana ni a ikhondoolosahu ni imombesahu, ntoko elempwalaaya munlamuloni.

³⁷ Ohiya sikina iyo, nnooruuhela matatha a Empa ya Mulukwaahu ni asaserdoti* mpatta woopacera wa ephepa, mipatta soopacera sa sooveleela sa etrigu, sa soowiima sa nyirisahu sootheene, sa eviinyuwaahu enyowani, ni sa makhura. Nnimwaaruuhelatho aLeevi mpatta wanaamuloko wa soohephasahu, niwoko ti yaawosa anaakhelela mpatta wanaamuloko mmasidadeni moothemwene nimvaraahumo muteko.

³⁸ Musaserdoti* mmoha a ekhapira ya Aharoni aahooleke aLeevi yaakhelasaka mpatta wanaamuloko. Vano aLeevi eruuheleke Empa ya Mulukwaahu mpatta wanaamuloko sanaamuloko iyo, munsungiwamo.

³⁹ Atthu aYixrayeli vamoha ni aLeevi eruuheke sooveleela sa etrigu, eviinyu enyowani ni makhura eronghaka munsungiwa siraayamo ikaruma sa Nipuro Nootteela*. Ti mwemmo asaserdoti* anrumeelaaya, anamalipelela a milako ni anamwiipa ankhalaayamo. Khanithaama Empa ya Mulukwaahu.”