Namalaleiya 6 - Emakhuwa Bible

¹ Kohoonatho yoothananihaxa ekina mulaponimu, enaalemelaxa atthu.

² Muluku onimvaha mutthu mihakhu, sooreela ni nttittimiho, moota wooweera kheewo enimuhaleelaru anghaawelaaya maithwaawe; vaheera Muluku khanimutthunihera opuha itthu seiyo, ni vanipuroniwawe, ompuha mukina. Eyo kheentaphulelaru ni ti yoothananihaxa.

³ Mutthu onoowera okhalano anamwane ncira ni okhala ni okumi iyaakha sincipale. Wa soothesene, aahipuha itthu sooreera sa mookumini ni aahivithiwa nnene, kinghima weera mwaana ongyariwa ookhweene ti ooreeraxiwa ompwaha yoowo.

⁴ Owo omvirela weiwo, analakaseera mpiphini, ni mmo nsinanawe nnimwiipithiheya.

⁵ Oroohitokoru woona nsuwa, hoye hoye osuwela yakhalaru etthu, owo ohiitthuuwaxa ompwaha mutthu owo –

⁶ hata owo akhalaka wa iyaakha macira miloko miili ahipuhaka weetteleyawawe nnene. Ootheene anrowa omoharu weiwo.

⁷ Wiiminyaalelawawe wootheene mutthu opakeliwe eyanowaawe; wa soothesene ohaawelawawe, khooninkwanaru.

⁸ Ewinelo heeni orinaawe musuweli mwa mulolo? Ewinelo heeni orinaawe namahaawa ongwera wiittikhano ohoolo wa akina?

⁹ Fataari ohakalalela yeeyo anoonaaya maitho, ohikhanle olohera yeeyo munghaawelaanyu. Eyotho kheentaphulelaru etthu, ti woomola epheyo paahi.

¹⁰ Sootheene sikhanle, sookhalano nsina, ni okhalawawe mutthu ti woosuwanyeya; khawowo ongwera ongwina mutthu oolipa ompwaha yoowo.

¹¹ Yaattaxaka masu onaatta ololo woohiphureleya etthu.

¹² Vekhaikhai, khaawo asuwenle yeeyo enimureerela mutthu mmahukuni vakhaani a okumaawe woohiphureleya etthu omviraawe ntoko munttuusi. Vano, taani anaawere omuthalihera yeeyo eniikhumelele mulaponi owo attimunleene?