Namalaleiya 2 - Emakhuwa Bible

Mulaponi ela kweewowo enghakalaliha

¹ Miyo kaahiixeerela: “Murwe, kinimwaasaasera itthu soosiveleya weera koonelele seiyo saareerelaka.” Vaheera eyotho yaahoonihera ohivareleya muteko.

² Ommaleloni, kohoona weera otheya ti ololo, ni soosiveleya khasimphureleya etthu.

³ Vano kaahuupuwela wiixinnyerera moowurani ni ololo, naari munepaaka waapwaherereene weettihiwa ni miruku. Keera koone waakireerelaka ohakalalela ehuhu vakhaani ninkhalaahu mulaponimu.

⁴ Kaahiivaherera mmitekoni sitokotoko: Kooteka impa kiniiphatteela iwuuva*.

⁵ Koopaka mattimbe ni moophatteya nyiri; koophatteyamo nyoota sootheene sa nyiri siniima.

⁶ Koopakatho ittankhi weera kihelele othako wa nyirisaka soopomba.

⁷ Koothuma ipottha ilopwana ni ithiyana ni kaakhalano iphottha saayareliwe vaatewaka. Ohiya yeeyo, kaakhalanaxatho imombe ni ikhondoolo waapwaha ootheene yaakhala oYerusaleemu miyo kihinaaye.

⁸ Kaahiithukumanyera eparatha* ni eyuuma yoorikaxa, mihakhu sa mamwene ni ilapo soohiyanahiyana. Kaakhalano anamwiipa asilopwana ni asithiyana, mpakatho axaaseeta ancipale, aani soohaawela sa omutthu.

⁹ Kaathatuwa neepilixa waapwaha ootheene yaakhala oYerusaleemu miyo kihinaaye, kiixuurelelaka miruku.

¹⁰ Nkaakhoontteru yeeyo yaahaawelaaya maithowaaka; nkaavaannyeru yeeyo waatthunaaya murimaaka. Vekhaikhai, miyo kaahakalalela mitekosaka sootheene; nno naari ntthuvelo na wiiminyaalelawaka wootheene.

¹¹ Wa soothesene, kiwehawengheene sootheene kaapakaaka ni muteko kaaminyaalenlaaka opaka, kaahoona weera sootheene khasaavareleya muteko, waari woomola epheyo paahi; seiyo simpakeya mulaponi khasingwineleyaru etthu.

Miruku ni ohakalala wa yoowo onimusiveliha Muluku

¹² Vano kaatthokelela mmirukuni, moololoni ni moohimirukuni. Apakeke eheeni namarandela a mwene, ohikhanle opakatho yeeyo epakingwe?

¹³ Kaahoona weera fataari miruku ohikhanle ohimiruku, ntoko onreerelaaya waara ohikhanle epiphi.

¹⁴ Mutthu a miruku ookhalano maitho anoona, vaheera mulolo oneetta mpiphini; wa soothesene, kaahoona weera ooweeli arino ommaleloni omoharu.

¹⁵ Vano kaahuupuwela: Yeeyo emmweereela mulolo, enookeereelatho. Kiwinne eheeni okhalawaka namiruku? Hiiho, kaahiixeerela: Eyotho kheentaphulelaru etthu.

¹⁶ Hata musuweli naari mulolo khayuupuweleliwaru; mmahukuni a muhoolo oweeli awo anoottiwaliwa. Mooteene yoowo onkhwaawe mulolo, musuwelitho onkhwa hiiho.

¹⁷ Tivawo kinthanyaaka okumi, niwoko muteko omvariwa mulaponi kinoona ntoko woolemelaxa. Sootheene khasaavareleiye muteko, waari woomola epheyo paahi.

¹⁸ Koothanya itthu sootheene mwa seiyo miyo kaaminyaalenlaaka mulaponi, niwoko ontthuneya omuhiyera yoowo anaakirandele.

¹⁹ Vano taani anaasuwele weera owo onookhala musuweli hoye hoye mulolo? Wa soothesene, onoolamula sootheene kipankaaka mmutekonimwaka ni mmirukunimwaka mulaponimu. Eyotho kheentaphulelaru etthu.

²⁰ Yaakiphiyera ehuhu yoohoona yooweera wa miteko sootheene kaaminyaalenlaaka mulaponi.

²¹ Vano, mutthu onoowera ovara mutekwaawe mmirukuni, mweesuweloni ni mweettotthoni, mene ontthuneya ohiya sootheene orinaawe ntoko yoohiyeriwa wa mukina ahaaminyaalenle yeeyo, eyotho kheentaphulelaru etthu, aani ti ohiroromeleya.

²² Ewinelo heeni orinaawe mutthu ngwiiminyaalelanimwawe wootheene ni ohaawelawawe wootheene omvarelaawe muteko mulaponi?

²³ Mookuminimwawe wootheene, mutekwaawe ti woovoreya ni woothananiha; hata ohiyu muupuwelowaawe khooniitthuuwa. Eyotho kheentaphulelaru etthu.

²⁴ Wa mutthu, kheewoworu yooreerela ohikhanle oca, owura ni ophwanya mureerelo mmutekonimwawe. Kaahoonatho weera eyo enrweela mmatatani mwa Muluku.

²⁵ Vano, taani owenre oca hoye hoye ophwanya ohakalala ahikhanleno Muluku?

²⁶ Wa mutthu onimusiveliha Muluku, Owo onimvaha miruku, esuwelo ni weetteleya nnene. Vaheera wa namattheka, Muluku onimvaha muteko woothukumanya ni woothokorora mihakhu weera amvahe yoowo onimusiveliha. Eyotho kheentaphulelaru etthu, ti woomola epheyo paahi.