Nahumi 3 - Emakhuwa Bible

Ophwata wookhuveela

¹ Ii! Onoohaawa weyo, esidade yoosareya ephome, soowootha ni soohuhula. Mahuku ootheene sinoosareya mittembo.

² Mwiiwe oruma wa ikwamba ni ophirikeya wa mareko; mikhitto sa ikavalu* ni otura wa ikaaro sa ekhotto!

³ Anamweettiha a ikavalu*; ikatana siverinyaka ni mavaka yaaraka. Ekhwiiyeene ancipale nduu; mittembo soohaalikeleya ohivireyakamo.

⁴ Eyo yeereenle niwoko mwaari ntoko puuta musareiyeene ocece. Mwaasesera miloko ni mitekosanyu soolokottha.

⁵ Yave oneera: “Weyo ti mwiittanaaka; kinimoorula soowarasawo mpaka owiitho. Kinimoonihera miloko etiriyaawo kiwuulihihaka muru vamaithoni wa imwene.

⁶ Kinimoovonyera ikokhola; kihiwoonelaka weera wooneliwe weyo.

⁷ Ootheene eneera emoone eniitthawe yeeraka: ‘Ninive ooheleya nthala – taani eniimwiinlele?’ Taani eniimpepese?”

⁸ Weeraka weyo ti ootthuneyaxa opwaha oTebesi, esidade etekiwe mukerekhere Nilu erukureeriweene maahi ni awo ereene exiraaya?

⁹ oKuxi ni wExipitu saari ikurusaya soohimala; oPuti ni oLibiya yaari oowiiraananaaya.

¹⁰ Hata hiiho yaavariwa, enaronghiwa elapo ekina. Anamwanaaya yaahononeliwa mipatta sootheene sa mmiseweni. Yaahaahera ehako weera yoone ommaleloni wa maneethaaya ni anamawera ootheene yaatthukasiwa.

¹¹ Weyotho onoohapaleya; onimwiipitha weereraka waatthawa amwiittanaawo.

¹² Mootthawelamwawo ori ntoko nyiri sa ifiigu soowiitthwa. Wapukunyaru, omora ni oca.

¹³ Woone, anakhottwaawo ootheene ari ntoko athiyana! Milako sa esidadaawo siri khweengwere weera amwiittanaawo evoloweke; anampattikaaya aahisiwa ni mooro.

¹⁴ Wiirikele maahi ciireru ohinaaye oriciwa; olipihere yoowiixaakihano. Ovotte ittoko sooreera opakela indyerwa!

¹⁵ Weereru hai mooro onimoohisa ni ekatana enimoophwata ntoko miwaru sookhuuriwa ni nasope. Wiixaandyeereraxe ntoko misoope!

¹⁶ Woowaandyeerera anamarondaawo owaattihaka opwaha ithenyeeri sa wiirimu, mene awo annanariha elapo, ntoko nasope, mwa yoowo vahoolowaya omvavela ottai.

¹⁷ Anamalipelelaawo ni asitokweenaawo ari ntoko nasope onoopaana muxirini vanihukuni nooriira. Vaheera nsuwa noopa, onoomwareya woohisuwanyeya okenlaawe.

¹⁸ Ii! Mwene a wAsiriya – akukhulaawo animuuseela ni maneethaawo anookona. Mulokwaawo woomwareela mmanyaakoni ahikhalaka oothukumanyiha.

¹⁹ Makhwattaawo ti ookhwano; ovulalawawo onoorongha wookhwaani. Ootheene aniiwa mwahaawo, aniipa makuphi niwoko na omorawawo yeenre ootheene ehaawa niwoko na ohooxawawo.